USAID-ის დემოკრატიული ჩართულობის ცენტრში აფხაზეთის მთავრობამ 3 წლის საქმიანობის ანგარიში წარადგინა

2018-02-09 11:37:48, 726 ნახვა

რეგიონი

ზუგდიდში USAID-ის დემოკრატიული ჩართულობის ცენტრში აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ 2015-2017 წლებში აფხაზეთის ავტონომიური რესპუბლიკის მთავრობის მიერ გაწეული საქმიანობის ანგარიში და 2018-2020 წლების სამოქმედო გეგმა წარადგინა.

ანგარიშში ყურადღება გამახვილდა აფხაზეთის მთავრობის პრიორიტეტულ მიმართულებებზე. ვახტანგ ყოლბაიამ ხაზი გაუსვა სამშვიდობო პოლიტიკის, ჯანდაცვის, განათლების, სპორტის, სოფლის მეურნეობისა და გარემოს დაცვის კუთხით გადადგმულ მნიშვნელოვან ნაბიჯებს. აღინიშნა აფხაზეთის მთავრობის მიერ განხორციელებული პროექტები და მათი მნიშვნელობა.

პრეზენტაციის შემდეგ დისკუსია კითხვა-პასუხის რეჟიმში გაგრძელდა.

ღონისძიებას აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, აფხაზეთის ავტონომიური რესპუბლიკის მთავრობის წევრები და უმაღლესის საბჭოს დეპუტატები, ადგილობრივი ხელისუფლების წარმომადგენლები, ევროკავშირის სადამკვირვებლო მისიის წარმომადგენლები, არასამთავრობო ორგანიზაციების წარმომადგენლები და აფხაზეთის ავტონომიური რესპუბლიკის მთავრობის სტრუქტურების წარმომადგენლები ესწრებოდნენ.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები