2018-01-08 16:47:37, 1879 ნახვა

---

პრემიერი: მარიკა ლორთქიფანიძის სახით, ქვეყანამ დიდი მეცნიერი და საქართველოს ნამდვილი გულშემატკივარი დაკარგა

საქართველოს პრემიერ-მინისტრი გიორგი კვირიკაშვილი, აკადემიკოს მარიკა ლორთქიფანიძის გარდაცვალების გამო, მწუხარებას გამოთქვამს.

„დიდ მწუხარებას გამოვთქვამ სახელოვანი მეცნიერის, მარიკა ლორთქიფანიძის გარდაცვალების გამო.

ქალბატონმა მარიკამ მთელი ცხოვრება საქართველოს ისტორიის კვლევას და ისტორიკოსთა არაერთი თაობის აღზრდას მიუძღვნა. მისი სახით ქვეყანამ დაკარგა დიდი მეცნიერი და საქართველოს ნამდვილი გულშემატკივარი. 

სამძიმარს ვუცხადებ მარიკა ლორთქიფანიძის ოჯახს, ახლობლებს, ქართულ სამეცნიერო საზოგადოებას და მთელს საქართველოს“, - ნათქვამია პრემიერ-მინისტრის განცხადებაში.

ცნობისთვის, ისტორიკოსი და ივანე ჯავახიშვილის სახელობის თბილისის სახელმწიფო უნივერსიტეტის აკადემიკოსი მარიკა ლორთქიფანიძე 95 წლის ასაკში გარდაიცვალა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი