2017-12-27 19:14:55, 1938 ნახვა

---

მდინარაძე: დარწმუნებული ვარ, ნარკოპოლიტიკის კანონპროექტთან დაკავშირებით, უმრავლესობის შიგნით კონსესუსს მივაღწევთ

ფრაქცია „ქართული ოცნების“ თავმჯდომარის მამუკა მდინარაძის განცხადებით, ნარკოტიკების მცირე დოზით მოხმარების დეკრიმინალიზაციის შესახებ კანონპროექტთან დაკავშირებით უმრავლესობის ფორმატში მსჯელობა მოუწევთ.

მდინარაძე დარწმუნებულია, რომ უმრავლესობის შიგნით კონსესუსი შედგება:

„“მე დავარქმევ ცხარე კამათს, რაც აუცილებლად უნდა იყოს იმისათვის, რომ საერთო აზრზე რამენაირად შევჯერდეთ ხოლმე ძალიან კრიტიკულ საკითხებზეც კი. ნუ დავარქმევთ დაპირისპირებას. დაგიდასტურებთ, რომ ცხარე კამათი იყო მათ შორის ფორმალურ დეტალებთან დაკავშირებითაც კი. გუნდის წევრები, მათ შორის კომიტეტის წარმომადგენლები არიან წინააღმდეგნი იმისაც კი, რომ ახლა იქნას განხილული ეს საკითხი, მაგრამ ჩვენ ბევრჯერ გავიარეთ ეს საკითხი უმრავლესობის შიგნით, ბევრჯერ გავივლით და ცხარე კამათი იქნება, რადგან ერთის მხრივ ჩვენ არ უნდა დავაზიანოთ ჩვენი მომავალი თაობების ინტერესი და ამავე დროს, ჩვენ უნდა ვაწარმოოთ სწორი ნარკოპოლიტიკა, ბევრჯერ ვიმსჯელებთ და საბოლოოდ დარწმუნებული ვარ, ოპტიმალურ და სწორ გადაწყვეტილებამდე მივალთ.

მთავარია, რომ ჩვენ მოვახერხოთ და მგონია, რომ ასეც იქნება, პოზიციების დაახლოება პირველ რიგში უმრავლესობის შიგნით, რომ ვაწარმოოთ სწორი  ნარკოპოლიტიკა.მნიშვნელოვან ცვლილებას აღარ მოითხოვს ეს კანონპროექტი. რამდენიმე დეტალის შეცვლით შეიძლება პოზიციები კიდევ უფრო დაახლოვდეს. აქედან გამომდინარე, ვფიქრობ, მივაღწევთ კონსესუსს უმრავლესობის შიგნით, რაც ორივე ინტერესს თანაბრად დააკმაყოფილებს“,-განაცხადა მდინარაძემ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი