საქართველოს იუსტიციის სამინისტროს სსიპ „დანაშაულის პრევენციის ცენტრის“ დირექტორი ჯონი კვინიკაძე ბიზნესიდეების კონკურსში გამარჯვებულ ბენეფიციარებს  ოჯახებში ესტუმრა.

 საგრანტო კონკურსის ერთ-ერთი გამარჯვებული ოკუპაციის ხაზის მიმდებარედ, სოფელ ახალუბნის მკვიდრია.

 დავით ჯარმელიშვილის იდეა ვაზის განაშენიანებასა და ღვინის  წარმოებას უკავშირდება. საჭირო მასალა დანაშაულის პრევენციის ცენტრისა და საქველმოქმედო ჰუმანიტარულ ცენტრ „აფხაზეთის"  წარმომადგენლებმა ბენეფიციარს ოჯახში მიუტანეს.

2015 წელს იუსტიციის სამინისტროს საგრანტო პროგრამის ფარგლებში 17 ყოფილი პატიმრის 16 ბიზნესიდეა დაფინანსდა. 12 გრანტი გაიცა რეგიონებში, 4 კი დედაქალაქში. ყველაზე მეტი - 6 ბიზნესიდეა გორის  რეგიონში დაფინანსდა. დანაშაულის პრევენციის ცენტრის დირექტორი ასევე ესტუმრა გორისა და მცხეთის რაიონების სხვა სოფლებში მცხოვრებ გამარჯვებულ ბენეფიციარებსაც.

ჯონი კვინიკაძე ადგილზე გაეცნო როგორც მესაქონლეობის, ისე თონეს კეთილმოწყობის  იდეის ავტორების საქმიანობასაც. საქართველოს იუსტიციის სამინისტროს საგრანტო პროექტის სახელწოდებაა „ყოფილ პატიმართა ბიზნესინიციატივების მხარდაჭერა", რომელსაც   საქველმოქმედო ჰუმანიტარული ცენტრი „აფხაზეთი"  ახორციელებს.

 ყოფილი პატიმრების ბიზნესიდეები სამი მიმართულებით დაიყო: სოფლის მეურნეობა, წარმოება და მომსახურება. ჯამში ყოფილ პატიმართა ბიზნესინიციატივების დასაფინანსებლად იუსტიციის სამინისტროს მიერ საგრანტო ფონდისთვის გამოყოფილია  56 000 ლარი.  პროექტის მოცულობა წინა წელთან შედარებით მნიშვნელოვნადაა გაზრდილი. 2014 წელს ყოფილი პატიმრების 5 ბიზნესიდეა დაფინანსდა.

 შარშანდელი წარმატებული შედეგების გათვალისწინებით, წელს საკუთარი ბიზნესიდეების რეალიზაციის საშუალება იუსტიციის სამინისტრომ უფრო მეტ ყოფილ პატიმარს მისცა.  იუსტიციის სამინისტროს დანაშაულის პრევენციის ცენტრი უკვე ორი წელია, „ყოფილ პატიმართა რეაბილიტაციისა და რესოციალიზაციის პროგრამას“ ახორციელებს. მისი მიზანია სასჯელაღსრულების დაწესებულებებიდან გათავისუფლებული პირების რეაბილიტაციის ხელშეწყობა, მათი დაბრუნება საზოგადოების სრულუფლებიან წევრებად; ყოფილ პატიმრებზე სახელმწიფო მზრუნველობა კი საზოგადოების განმეორებითი დანაშაულისაგან დაცულობის წინაპირობაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ

სვეტლანა ტიხანოვსკაია- ბელარუსებსა და ქართველებს ერთი და იგივე ხედვა აქვთ: იცხოვრონ როგორც თავისუფალმა, სუვერენულმა ევროპულმა ერებმა

დამოუკიდებლობის დღესთან დაკავშირებით საქართველო მისალოც წერილებს იღებს - განახლებადი

პაპუაშვილი: ზოგიერთს დღესაც სურს, არ ვიდგეთ ფეხზე, მათ წესებს მივყვეთ, საკუთარზე უარი ვთქვათ