00:17 - 26 May, 2026
ჩვენ შესახებ რეკლამა/ხელმოწერა
2015-05-06 19:00:33, 978 ნახვა

ეკონომიკა
„აწარმოე საქართველოში“ პროგრამის ფარგლებში ყავის მწარმოელი ახალი საწარმო გაიხსნება

მეწარმეობის განვითარების სააგენტომ „აწარმოე საქართველოში“ პროგრამის ფინანსური მხარდაჭერის კომპონენტის ფარგლებში ხელშეკრულება გააფორმა კომპანიასთან „ბბ კომპანი“, რომლის ძირითად საწარმოო მიმართულებასაც ყავის წარმოება წარმოადგენს.

კომპანიაზე ახალი საწარმოს გახსნის მიზნით 1,000,000 აშშ დოლარის სესხის გაცემა უზრუნველყო სს „საქართველოს ბანკ“-მა, ხოლო მეწარმეობის განვითარების სააგენტო 2 წლის განმავლობაში მოახდენს სესხის მთლიანი საპროცენტო განაკვეთიდან 10%-ის თანადაფინანსებას.

შპს „ბბ კომპანი“-ს აქვს 13 წლიანი გამოცდილება ყავის რეალიზაციაში, ადგილობრივ ბაზარს უმაღლესი ხარისხის ყავის მარცვალს მიაწვდის. ამასთან კომპანია უზრუნველყოფს დაასაქმოს 20-მდე ადამიანი და ქართული ბაზრის მნიშვნელოვან წილი დაიკავოს. სამომავლოდ წარმოებული პროდუქციის ექსპორტს აზერბაიჯანში განახორციელებს.

ახალი საწარმო 6 თვეში ამოქმედდება. ჯამში კომპანია 1,800,000 აშშ დოლარის ინვესტიციას განახორციელებს. აღნიშნული საწარმო მცხეთა-თიანეთის რეგიონში, სოფელ ნატახტარში მდებარეობს.

ცნობისთვის, „აწარმოე საქართველოში“ პროგრამის ფარგლებში საქართველოს მაშტაბით ფინანსურ რესურსებზე ხელმისაწვდომობისა და ფიზიკური ინფრასტრუქტურით უზრუნველყოფის  კომპონენტით უკვე სარგებლობს 74 ბენეფიციარი და დაწყებულია შესაბამისი პროექტების განხორციელება. პროექტების  ჯამური მოსალოდნელი ინვესტიცია დაახლოებით 121, 210, 000 აშშ დოლარია.





ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
ირანი დათანხმდა გამდიდრებული ურანი ჩინეთში გაიტანოს
ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ
მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს
მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics