საქართველოს შეიარაღებული ძალების ეროვნული გვარდიის სამხედრო საჩვენებელი ორკესტრი 25 წლისაა.

თავდაცვის სამინისტროს ინფორმაციით, ორკესტრმა იუბილე არმიჰოლში კონცერტით აღნიშნა და აუდიტორიას მსოფლიოში აღიარებული კომპოზიტორების კლასიკური და თანამედროვე ნაწარმოებები შესთავაზა.

სამხედრო მუსიკოსებს დაბადების დღე საქართველოს თავდაცვის მინისტრმა ლევან იზორიამ და გენერალური შტაბის უფროსმა, გენერალ-მაიორმა ვლადიმერ ჩაჩიბაიამ მიულოცეს. მათ ქვეყნისთვის სამხედრო ორკესტრის მნიშვნელობაზე გაამახვილეს ყურადღება და მუსიკოსებს წარმატებები უსურვეს.

25-წლიანი არსებობის მანძილზე სამხედრო-საჩვენებელმა ორკესტრმა მსოფლიოს წამყვანი სამხედრო ბენდები დაიმეგობრა. სპეციალურად დღევანდელი კონცერტისთვის ბალტიისპირეთის სამივე ქვეყნის სამხედრო ორკესტრების ხელმძღვანელები ჩამოვიდნენ და ქართველ კოლეგებთან ერთად კომპოზიციები შეასრულეს.

კონცერტის დასასრულს სამხედრო ორკესტრის შესრულებით „თბილისოს“ ვიდეორგოლის პრეზენტაციაც გაიმართა.

კონცერტს თავდაცვის უწყების ხელმძღვანელი პირები და თანამშრომლები, დიპლომატიური კორპუსის წარმომადგენლები, ჯარის მეგობრები და სამხედრო მუსიკოსების ოჯახის წევრები დაესწრნენ.

საქართველოს შეიარაღებული ძალების ეროვნული გვარდიის სამხედრო-საჩვენებელი ორკესტრი 1991 წელს, საქართველოს დამოუკიდებლობის აღდგენის დღიდან, შეიარაღებული ძალების ჩამოყალიბებისთანავე შეიქმნა. დღეს ორკესტრში 67 მუსიკოსი უკრავს, მათ შორის 3 ქალბატონია. თავდაპირველად, საქართველოს შეიარაღებული ძალების ორკესტრის რეპერტუარში სახელმწიფო ჰიმნები, სამხედრო მარშები და სამგლოვიარო მუსიკალური ნაწარმოებები შედიოდა. ბოლო პერიოდში ორკესტრმა რეპერტუარი გაზარდა და დღეს მსოფლიოში აღიარებული კომპოზიტორების კლასიკურ და თანამედროვე ნაწარმოებებსაც ასრულებს. სამხედრო ორკესტრი ოფიციალური ღონისძიებების გარდა, არაერთ საკონცერტო გამოსვლასა და ფესტივალში მონაწილეობს, მათ შორისაა: ფესტივალი „ART-გენი“, კონცერტები საქართველოს მასშტაბით მსოფლიოში აღიარებულ პიანისტებთან ლექსო თორაძესა და ედიშერ სავიცკისთან ერთად, სამხედრო მუსიკის ფესტივალი რიგაში, სამხედრო მუსიკის საერთაშორისო ფესტივალები, შავი ზღვის ჯაზ ფესტივალი ბათუმში, სამხედრო ორკესტრების ფესტივალი ომანის სასულთნოს დედაქალაქ მასკატში.

(NS)

ავტორი: ,

სოციალური ქსელები

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის

უკრაინის საგარეო საქმეთა მინისტრმა ეუთოს საგანგებო შეხვედრაზე საქართველოს მხარდაჭერისთვის მადლობა გადაუხადა.