ვაშინგტონსა და სან-ფრანცისკოში მდებარე რუსეთის დიპლომატიური კორპუსის შენობებზე აღმართული რუსეთის დროშები ჩამოხსნეს, - ამის შესახებ BBC იუწყება.

როგორც ამერიკის შეერთებული შტატების სახელმწიფო დეპარტამენტში განაცხადეს, დროშები "დიდი პატივით ჩამოხსნეს და ისინი რუსეთის ყოფილი საკონსულოს შენობაში ინახება".

მედია საშუალების ინფორმაციით, ამერიკამ შენობებიდან დროშების ჩამოხსნის გადაწყვეტილება მას შემდეგ მიიღო, რაც ქვეყანაში რუსეთის დიპლომატიური მისიის წარმომადგენლების რაოდენობა შემცირდა. ასევე, ვაშინგტონსა და სან-ფრანცისკოში მდებარე საკონსულოები დაიხურა და მისიის წარმომადგენლებმა შენობა დაცალეს.

რუსეთის საგარეო საქმეთა სამინისტროს წარმომადგენლის მარია ზახაროვას თქმით, რუსულ მხარეს დროშების ჩამოხსნაზე არანაირი თანხმობა არ მიუცია.

მოსკოვი თვლის, რომ აღნიშნულ ფაქტი, "ქვეყნის სახელმწიფოებრიობის სიმბოლოს აბუჩად აგდებაა".

"შესაძლოა ამას სპეციალურად აკეთებენ, განზრახ, იმისთვის, რომ რუსეთში ამერიკის ახალ ელჩს უფრო გაურთულონ მუშაობა“, - დასძინა ზახაროვამ.

ავტორი: ,

სოციალური ქსელები

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს