ჩეჩნეთის რესპუბლიკის დედაქალაქ გროზნოში, იტალიის ვეტერანი ფეხბურთელები, ამხანაგურ მატჩს გამართავენ, - ამის შესახებ ინფორმაციას ჩეჩნეთის მთავრობის ვებგვერდზეა განთავსებული.

მთავრობის ინფორმაციით, ღონისძიება 7 ოქტომბერს არის დაგეგმილი.

ამხანაგური მატჩის ჩატარება რუსეთის პრეზიდენტის ვლადიმერ პუტინის დაბადების დღეს უკავშირდება.

"თამაშში მონაწილეობის მისაღებად, რომელიც ახმატ არენაზე გაიმართება, რუსული და იტალიური ფეხბურთის ლეგენდები ჩამოვლენ", - ნათქვამია ოფიციალურ განცხადებაში.

ამასთან, გუნდ "ლიდერის" კაპიტანი, თავად ჩეჩნეთის რესპუბლიკის მეთაური რამზან კადიროვი იქნება. მასთან ერთად გუნდში რუსი ფეხბურთელები ალექსანდრ კერჟაკოვი და ვალერი კარპინი იქნებიან, რომლებიც გუნდ "ახმატის" მოთამაშეები არიან.

რაც შეეხება იტალიის გუნდს, ჩეჩნეთის მთავრობის ადმინისტრაცია მხოლოდ სამი ფეხბურთელის ვინაობას ასახელებს: სტეფანო ფიორე, მასიმო ოდო, სალვატორე სკილაჩი.

შეგახსენებთ, რომ 29 სექტემბერს ბორის პაიჭაძის სახელობის დინამო არენაზე საქველმოქმედო მატჩი - მსოფლიოს ვარსკვლავები საქართველოსთვის გაიმართა. ამხანაგურ მატჩში მონაწილეობა "ქართული ოცნების" მერობის კანდიდატმა კახა კალაძემ, ფეხბურთის ფედერაციის პრეზიდენტმა ლევან კობიაშვილმა და იტალიის ვეტერანმა ფეხბურთელებმა მიიღეს.

ავტორი: ,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია