შინაგან საქმეთა სამინისტროს აკადემიაში შსს-ს საზოგადოებასთან ურთიერთობის დეპარტამენტის ორგანიზებით ჩატარებული მედია-სემინარის ყველა მონაწილეს სერტიფიკატები გადაეცა.

შინაგან საქმეთა სამინისტროს ინფორმაციით, მედია-სემინარი ორი დღის განმავლობაში მიმდინარეობდა და მიზნად ისახავდა საპოლიციო განათლების საკითხებში ჟურნალისტების ცნობიერების ამაღლებას. ასევე მათთვის ინფორმაციის მიწოდებას შინაგან საქმეთა სამინისტროს აკადემიის, სამაგისტრო და საბაკალავრო პროგრამების და პოლიციის თანამშრომლების პროფესიული მომზადების შესახებ. ამ ტიპის სემინარი მედიასაშუალებების წარმომადგენლებისათვის პირველად ჩატარდა.

შსს-ს მიერ ჩატარებული მედია-სემინარი თეორიული და პრაქტიკული ნაწილებისგან შედგებოდა. სწავლების თეორიული ნაწილი მოიცავდა პრეზენტაციებს ისეთ თემებზე, როგორიცაა: პერსონალური მონაცემები, როგორც პირადი ცხოვრების ხელშეუხებლობის უფლების მნიშვნელოვანი კომპონენტი; შეკრებისა და მანიფესტაციების თავისუფლების, დისკრიმინაციის აკრძალვა და ჟურნალისტის დაცვის სამართლებრივი გარანტიები; ადამიანის უფლებათა და ძირითად თავისუფლებათა დაცვის საკითხები. ასევე ჩატარდა პრაქტიკული სავარჯიშოებიც. სემინარს უძღვებოდნენ აკადემიის პროფესიული მომზადების სამმართველოს საპატრულო პოლიციის ფაკულტეტის უფროსი ინსპექტორი ივანე ხაჟალია და აკადემიის ადმინისტრაციის პერსონალურ მონაცემთა დაცვის ოფიცერი ნინო საგინაშვილი. სემინარზე ჟურნალისტებმა შეკითხვები დასვეს მათთვის საინტერესო თემებზე, რაზეც ამომწურავი პასუხები მიიღეს.

შსს-ს აკადემიის პროფესიული მომზადების სამმართველოს საპატრულო პოლიციის ფაკულტეტის უფროსმა ნოდარ სააკაშვილმა ჟურნალისტებს წარუდგინა პრეზენტაცია თემაზე „სწავლება შსს-ს აკადემიაში“. პრეზენტაცია მოიცავდა ისეთ საკითხებს, როგორიცაა: პროფესიული და აკადემიური სწავლებები შსს-ს აკადემიაში, საბაკალავრო და სამაგისტრო პროგრამები, მიღების პროცედურები, ადგილობრივი და საერთაშორისო თანამშრომლობა.

მედია-სემინარის ფარგლებში, ჟურნალისტებმა მონაწილეობა მიიღეს აკადემიის მსმენელების მოწყობაში, დაათვალიერეს აკადემია, იმიტირებული სასამართლო დარბაზი, რეალურ და ვირტუალურ ტირებში წარედგინათ პრეზენტაცია იარაღის გამოყენების სამართლებრივი საფუძვლების შესახებ, ხოლო კრიმინალისტიკურ კაბინეტში ისინი დაესწრნენ შემთხვევის ადგილის იმიტირებულ სცენას. სტუმრებისთვის სპეციალურად ჩატარდა ტაქტიკური უნარების საჩვენებელი გათამაშება. ჟურნალისტებმა სამაგისტრო პროგრამის მსმენელების საცხოვრებელი ოთახები დაათვალიერეს, სხვადასხვა სახის ტესტირებასა და ლექციებს დაესწრნენ. ჟურნალისტებისთვის ასევე მოეწყო შსს-ს არქივში დაცული უნიკალური მასალების გამოფენა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: დღეს საქართველო არის დამოუკიდებელი და სუვერენული, როგორც არასდროს

ყაველაშვილი: კარგად უნდა გავაცნობიეროთ, დამოუკიდებლობა არაა სამუდამოდ ბოძებული მოცემულობა

შიო III: თავისუფლება მხოლოდ პოლიტიკურ მონაპოვრად და წარსულის მემკვიდრეობად არ უნდა ვაქციოთ

დიუშენის მქონე ბავშვების მშობლები დამოუკიდებლობის დღესთან დაკავშირებით განცხადებას ავრცელებენ