„თიბისი სტატუსისა" და Buyers.ge სახელით, ახალგაზრდა მხატვრის, ანკა ბოჭორიშვილის პირველი პერსონალური გამოფენა Buyers-ის სივრცეში შედგა. გამოფენაზე მულტიმედია არტისტმა ნახატებთან ერთად ინსტალაციები და სკულპტურები წარმოადგინა.

მხატვარი 1995 წელს თბილისში დაიბადა. ხატვა ბავშვობაში დაიწყო და შემდეგ გადაწყვიტა, რომ შესაბამისი განათლებაც მიეღო. 2013 წელს თბილისის სახელმწიფო სამხატვრო აკადემიაში ჩააბარა, მაგრამ იქ სწავლა მალევე შეწყვიტა, რადგან გადაწყვიტა, რომ დამოუკიდებლად უკეთ განვითარდებოდა, როგორც ხელოვანი. მუშაობა მხატვრების ჯგუფთან „Stupid Kids Factory"-სთან ერთად გააგრძელა. ჯგუფთან ერთად მხატვარმა ორ გამოფენაში მიიღო მონაწილეობა:

ჯგუფის ერთ-ერთი წევრის სახელოსნოში „Stupid Kids Factory"-ში გამართულ გამოფენაში „Magic Room" (თბილისი, 2013) და „Summer Leftovers" (თბილისი, 2013). 2016 წელს ანკამ "პროექტ 12"-ში მიიღო მონაწილეობა - მისი ნამუშევარი თიბისი ბანკის სტიკერის დიზაინად შეირჩა და ბანკის ორგანიზებით, პროექტში მონაწილე სხვა 11 თანამედროვე მხატვართან ერთად ფაბრიკას სივრცეში გამოიფინა.    

„ამჯერად, ანკამ უკვე ახალი ნამუშევრები წარმოადგინა. პირველად სცადა მან გრაფიკის გარდა, სხვა მედიებში მუშაობაც. ანკას გრაფიკული ნამუშევრების ნაწილი განთავსდება უკვე თიბისი სტატუსის შეხვედრების სივრცეებში. გრძელვადიანი მიზანი ამ გამოფენის არის ის, რომ მხარი დავუჭიროთ ახალგაზრდა ხელოვანების ნამუშევრების პოპულარიზაციას. თიბისის ამოცანაა, რომ ნიჭიერ ახალგაზრდებს ჩვენი მხრივ, ყველა საჭირო რესურსით დავეხმაროთ," – ამბობს თიბისი ბანკის არტ კურატორი ნინა ახვლედიანი.

„თიბისი სტატუსი" და Buyers.ge  მომავალშიც  გეგმავენ ერთობლივი პროექტების განხორციელებას. Buyers.ge-ზე უკვე იყიდება ანკა ბოჭორიშვილის ნამუშევრებიც.    

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება