2017-06-09 10:22:07, 2453 ნახვა
მსოფლიო
„ისლამური სახელმწიფო“ ჩინეთის 2 მოქალაქის სიკვდილით დასჯის შესახებ ინფორმაციას ავრცელებს
„ისლამური სახელმწიფო“ ჩინეთის 2 მოქალაქის სიკვდილით დასჯის შესახებ ინფორმაციას ავრცელებს.
შესაბამისი ცნობა დაჯგუფებასთან დაახლოებულმა სააგენტო AMAQ-მა გაავრცელა.
ჩინეთის საგარეო საქმეთა უწყება, ამ ეტაპზე, ინფორმაციის შესწავლის პროცესშია. გავრცელებული ცნობით, ჩინეთის მოქალაქეები პაკისტანის ქალაქ ქვეტადან გაიტაცეს, სადაც ახალგაზრდები ენის შესწავლის მიზნით იმყოფებოდნენ. წყვილთან ერთად, კიდევ ერთი ჩინელი მოქალაქე იყო, თუმცა მან გაქცევა მოახერხა.
4 ივნისს პაკისტანის სპეცდანიშნულების რაზმმა გატაცებულთა მოსაძებნად 3-დღიანი ოპერაცია დაიწყო, თუმცა მათი მცდელობა წარუმატებელი აღმოჩნდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
.png)
epn.ge (@expressnews.ge)
