2017-04-26 11:02:07, 2086 ნახვა

---

პეტერბურგის მეტროპოლიტენში მომხდარ ტერაქტზე პასუხისმგებლობა „ალ-ქაიდასთან“ კავშირში მყოფმა დაჯგუფებამ აიღო

პეტერბურგის მეტროპოლიტენში 3 აპრილს განხორციელებულ ტერაქტზე პასუხისმგებლობა „ალ-ქაიდასთან“ კავშირში მყოფმა დაჯგუფება “იმამ შამილის ბატალიონმა” აიღო, - ამის შესახებ BBC იუწყება. 

მედია საშუალების ინფორმაციით, თავდასხმა აიმან ალ-ზავაქირის ბრძანებით დაიგეგმა, სწორედ მან დაავალა აქბარჟონ ჯალილოვს ტერაქტის განხორციელება. 

მედიის ცნობით, საქმე ტერაქტის მუხლითაა აღძრული.

ცნობისთვის, 6 აპრილს პეტერბურგის მეტროპოლიტენში მომხდარ აფეთქებაში ეჭვმიტანილი 8 პირი დააკავეს. 

ამასთან, 18 აპრილს მოსკოვში სამართალდამცველებმა პეტერბურგის მეტროპოლიტენში განხორციელებული ტერაქტის სავარაუდო ორგანიზატორი აბრორ აზიმოვი დააკავეს. 

შეგახსენებთ, რომ 3 აპრილს პეტერბურგის მეტროში აფეთქებას 15 ადამიანის სიცოცხლე ემსხვერპლა, 50 მგზავრი კი დაშავდა. რუსეთის ხელისუფლებამ მომხდარს ტერაქტის კვალიფიკაცია მიანიჭა. პასუხისმგებლობა მომხდარზე ჯერ არცერთ ტერორისტულ დაჯგუფებას არ აუღია. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი