ხმალაძე: პრეზიდენტის განცხადება არაკორექტული იყო, ისევე როგორც პარლამენტის თავმჯდომარის პასუხი ნაწილობრივ

2017-03-04 17:19:26, 2684 ნახვა

პოლიტიკა კომენტარი

კონსტიტუციონალისტი ვახტანგ ხმალაძე მიიჩნევს, რომ პრეზიდენტის მიერ გაკეთებული განცხადება საკონსტიტუციო კომისიის საქმიანობასთან დაკავშირებით არაკორექტული იყო, თუმცა მანვე აღნიშნა, რომ პარლამენტის თავმჯდომარის პასუხისც ნაწილობრივ არაკორექტულია.

როგორც ხმალაძემ ჟურნალისტებს განუცხადა, პრეზიდენტს უფლებები არ დააკლდება და ის იგივე უფლებებით ისარგებლებს.

”განცხადება, რაც პრეზიდენტმა საკონსტიტუციო კომისიის მისამართით გააკეთა, იყო არაკორექტული, ისევე, როგორც პარლამენტის თავმჯდომარის პასუხი იყო ნაწილობრივ არაკორექტული. ყველას შეგიძლიათ ნახოთ თუ რა ვერსიები განიხილება კომისიაში და ამ ვერსიების მიხედვით პრეზიდენტის უფლებები არ არის შეზღუდული. რა უფლებებიც აქვს პრეზიდენტს, ისევ ის უფლებები რჩება, არ აკლდება”, - განაცხადა ვახტანგ ხმალაძემ.

ცნობისთვის, პარლამენტის თავმჯდომარის განცხადებით, თუ პრეზიდენტი გააგრძელებს არაკორექტული განცხადებების კეთებას, შეიძლება იფიქრონ პოზიციის გადახედვაზე და იმაზე, რომ მომავალ წელს პირდაპირი არჩევნები არ ჩატარდეს.

ამ განცხადებას, პრეზიდენტის ადმინისტრაციის უფროსი გიორგი აბაშიშვილი გამოეხმაურა: ირაკლი კობახის თქმით, ქვეყანაში კონსტიტუცია უნდა იცვლებოდეს არა ფუნდამენტურ ანალიზზე დაყრდნობით, არამედ პრეზიდენტის კომენტარების ხასიათიდან გამომდინარე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან