სერვისების განვითარების სააგენტოს საბერძნეთის დელეგაცია ეწვია

2017-02-22 17:02:28, 2458 ნახვა

ეკონომიკა

სახელმწიფო სერვისების განვითარების სააგენტოს საქართველოში ოფიციალური ვიზიტით მყოფი საბერძნეთის დელეგაცია ეწვია.

ვიზიტის მიზანს სააგენტოს საქმიანობის გაცნობა წარმოადგენდა. საბერძნეთის დელეგაციას, რომელსაც ადმინისტრაციული რეფორმებისა და ელექტრონული მმართველობის მინისტრი ოლგა გეროვასილი ხელმძღვანელობს, სახელმწიფო სერვისების განვითარების სააგენტოს თავმჯდომარემ, სოსო გიორგაძემ უმასპინძლა. შეხვედრაზე სერვისების განვითარების სააგენტოს საქმიანობასა და მის მიერ განხორციელებულ პროექტებზე ისაუბრეს.

ვიზიტის ფარგლებში დელეგაციის წევრებს შესაძლებლობა მიეცათ, მონაწილეობა მიეღოთ იუსტიციის სახლის მიერ ორგანიზებულ ტურში, რათა უკეთესად გასცნობოდნენ სერვისების გაცემის პროცესს. დაგეგმილია დელეგაციის სტუმრობა მარტყოფის საზოგადოებრივ ცენტრსა და ეროვნული არქივის საგამოფენო პავილიონში

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან