ბელგიაში სამართალდამცველებმა პარიზის ტერაქტების ერთ-ერთი მონაწილის, ბრაჰიმ აბდესლამის მობილური ტელეფონი აღმოაჩინეს, - ამის შესახებ BBC იუწყება.

მედიის ინფორმაციით, ტელეფონი ბელგის პოლიციის ერთ-ერთ განყოფილებაში მაკულატურის ქვეშ იპოვეს. აქამდე მობილური ტელეფონი დაკარგულად ითვლებოდა.

ბრაჰიმ აბდესლამი, თავდასხმების ორგანიზატორის სალეჰ აბდესლამის ძმაა. პოლიციამ მას ტელეფონი ჯერ კიდევ პარიზის თავდასხმებამდე 9 თვით ადრე, 2015 წლის თებერვალში ჩამოართვეს. მაშინ ბრაჰიმი ნარკომოვაჭრეების წინააღმდეგ ჩაატრებული სპეცოპერაციის ფარგლებში დააკავეს.

როგორც BBC-ი წერს, მოგვიანებით პოლიციამ აღიარა, რომ საქმეში მნიშვნელოვანი სამხილი დაიკარგა. ამასთან, ბრიუსელის პოლიციის ოფიცერმა იოჰან ბერკმანსმა განაცხადა, რომ გამომძიებლებმა ტელეფონიდან ინფორმაციის გადაწერა მოასწრეს, სანამ მას დაკარგავდნენ.

“დანაკარგს გამოძიებაზე გავლენა არ მოუხდენია”,  - აღნიშნა ბერკმანსმა.

შეგახსენებთ, 2015 წელის 13 ნოემებრს პარიზში მომხდარ თავდასხმებს 120-ზე მეტი ადამიანი ემსხვერპლა. პასუხისმგებლობა ტერაქტზე “ისლამურმა სახელმწიფომ” აიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SOLO და თბილისი ჰილსი ბავშვთა დღეს განსაკუთრებული ღონისძიებებით აღნიშნავენ

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა