შინაგან საქმეთა მინისტრის მოადგილის, ბესიკ ამირანაშვილის ინფორმაციით, დეპუტატ გივი თარგამაძის ავტომობილის აფეთქების საქმე გახნილია.

 „შეგვიძლია ვთქვათ, რომ პარლამენტარ გივი თარგამაძის ავტომობილის აფეთქების ფაქტი გახსნილია. სამი დღის განმავლობაში, თითქმის უწყვეტ რეჟიმში, შინაგან საქმეთა სამინისტროს, სახელმწიფო უსაფრთხოების სამსახურის და პროკურატურის თანამშრომლების მიერ ხორციელდებოდა კომპლექსური, საგამოძიებო და ოპერატიული ღონისძიებები, რის შედეგადაც დადგენილია დანაშაულში მონაწილე სავარაუდო პირი. ამჟამად მიმდინარეობს დამატებითი საგამოძიებო მოქმედებები საქმეზე დამატებითი მტკიცებულებების მოპოვების მიზნით“, - განუცხადა შს მინისტრის მოადგილემ ტელეკომპანია „იმედს“.

მისივე თქმით, ამ ეტაპზე გლდანში, ერთ-ერთ საცხოვრებელ კორპუსში ბინის ჩხრეკა მიმდინარეობს.

ცნობისთვის, გლდანის ერთ-ერთ მიკრორაიონში სპეცოპერაცია ტარდება. „იმედის“ ინფორმაციით, სამართალდამცავები სავარაუდოდ, ერთ-ერთ პირს აკავებენ, რომელიც დეპუტატ გივი თარგამაძის მანქანის აფეთქებაში ფიგურირებდა. სავარაუდოდ, აღნიშნული პიროვნება დავით ხეჩუაშვილია, რომელიც ტელეკომპანიის ცნობით, სპეციალური ოპერატიული სამსახურის ყოფილი თანამშრომელია.

ადგილზე კრიმინალური პოლიციის, შინაგან საქმეთა სამინისტროსა და პროკურატურის თანამშრომლები იმყოფებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში

სააკაშვილი ოპოზიციას - უნდა შევწყვიტოთ მოწკმუტუნე მხვეწნელის როლში ყოფნა