პოლონეთის სხვადასხვა ქალაქში დღეს ქალები აბორტების აკრძალვის წინააღმდეგ საპროტესტო აქციებს მართავენ, - ამის შესახებ ინფორმაციას უცხოური მედია ავრცელებს.

მედია საშუალების ცნობით, აქციის სახელწოდებაა “შავი პროტესტი”. მისი მონაწილეები მანიფესტაციაზე შავი ტანსაცმლით აპირებენ მისვლას.

საპროტესტო გამოსვლის ერთ-ერთი ინიციატორი პოლონეთის ყოფილი პრემიერი ევა კოპაჩია. მან ქალებს მოუწოდა, პროტესტის ნიშნად 3 ოქტომბერს სამსახურში არ გავიდნენ.

ცნობისთვის, აბორტების აკრძალვის შესახებ ინიციატივა პოლონეთის მმართველ პარტიას "სამართალს და სამართლიანობას" ეკუთვნის. ამჟამად სეიმი აბორტების შესახებ ორ კანონპროექტს განიხილავს. ერთი მათგანი სრულად კრძალავს აბორტებს და მკაცრ ადმინისტრაციულ და სისხლის სამართლის სასჯელს აწესებს. მეორე საკანონმდებლო ინიციატივის თანახმად, აბორტი ორსულობის 12 კვირის ვადამდე დასაშვებია. ამჟამად პოლონეთში აბორტები სამედიცინო ჩვენების გარეშე აკრძალულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CENTCOM: აშშ-ის საზღვაო ძალებმა ბლოკადის დაწყებიდან, ირანთან დაკავშირებული 108 გემი ჩაკეტეს

გუტერეში: მსოფლიოში დაახლოებით 800 მილიონი ადამიანი კვლავ უკიდურეს სიღარიბეში ცხოვრობს

რუსეთი სომხეთს ევროკავშირთან დაახლოების გამო ნავთობისა და გაზის მიწოდების შეწყვეტით დაემუქრა

უკრაინამ ტაგანროგში საავიაციო ქარხანა, ვორონეჟში სამხედრო აეროდრომი და ტუაფსეში ნავთობგადამამუშავებელი ქარხანა დაბომბა