შსს-ს შიდა ქართლის სამხარეო მთავარი სამმართველოს ხაშურის რაიონული სამმართველოს თანამშრომლებმა ხაშურში, გურამიშვილის ქუჩაზე, ხე-ტყის დაურეგისტრირებელი გადამამუშავებელი სახერხი საამქრო გამოავლინეს.

უწყების ინფორმაციით, სამართალდამცველებმა ლევან ძ-ს კუთვნილ უკანონო სახერხ საამქროში 10 კუბური მეტრი უსაბუთოდ დახერხილი ხის მასალა აღმოაჩინეს. საამქროს მფლობელი ლენტური ხერხის ულიცენზიოდ გამოყენებისთვის საქართველოს ადმინისტრაციულ სამართალდარღვევათა კოდექსის 128-2 პრიმა მუხლით დაჯარიმდა.

გამოძიება ლევან ძ-ს მიმართ ხე-ბუჩქნარის უკანონოდ გაჩეხვის ფაქტზე მიმდინარეობს (საქართველოს სსკ-ის 303-ე მუხლის 1-ლი ნაწილით).

სამართალდამცველებმა იმავე დღეს ხაშურში, გურამიშვილის ქუჩაზე მიკროავტობუსი გააჩერეს, რომლითაც მძღოლს - პაატა კ-ს უკანონოდ გადაჰქონდა 5 კუბური მეტრი დახერხილი ფიცარი. პაატა კ. საქონლის დოკუმენტების გარეშე ტრანსპორტირების ფაქტზე დაჯარიმდა (საქართველოს საგადასახადო კოდექსის 286-ე მუხლით).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე