აშშ–ს ელჩმა საქართველოში  რიჩარდ ნორლანდმა ქაშუეთის ეკლესიაში ნიუ–ჯერსიში დაღუპული ქართველი კურსანტების ოჯახებს მიუსამძიმრა.  

როგორც ნორლანდმა ჟურნალისტებს განუცხადა, საქართველომ სოსო მაკარიძისა და ბესარიონ გორჯოლაძის სახით, ორი პატრიოტი დაკარგა, რაც ქართველი ერისთვის დიდი ტრაგედიაა. 

ამასთან, ელჩის თქმით, საქართველოში აშშ–ს სანაპირო დაცვის ადმირალი იმყოფება, რომელიც დელეგაციასთან ერთად ჩამოვიდა.

„ჩვენ გულები სოსო მაკარიძისა და ბესარიონ გორჯოლაძის  ოჯახებთანაა. ეს ტრაგედიაა ქართული ერისათვის, რომელმაც ორი პატრიოტი დაკარგა. რა თქმა უნდა ოჯახები განადგურებულია, მაგრამ ვცდილობთ, მათ ის ტკივილი შევუმსუბუქოთ და ჩვენ მათთან ერთად ვართ დღეს. ჩემთან ერთად არის აშშ–ს სანაპირო დაცვის ადმირალი, რომელიც საქართველოში ჩამოვიდა. დელეგაციაში ასევე შედიან, როგორც სანაპირო დაცვის ოფიცრები, ასევე კადეტები. მათ შორის  ოთხი ქართველი. ისინი საქართველოში მაკარაძესა და გორჯოლაძეს ჩამოყვნენ და მათ ხსოვნას პატივს მიაგებენ“, – აღნიშნა ნორლანდმა. 

ქაშუეთის წმინდა გიორგის სახელობის ეკლესიაში  ნიუ-ჯერსიში  დაღუპული ქართველი კურსანტების პატივსაცემად სამოქალაქო პანაშვიდი იმართება.

რიგითები - სოსო მაკარიძე და ბესარიონ გორჯოლაძე ნიუ-ჯერსის შტატში მომხდარი ავტოავარიის შედეგად დაიღუპნენ. ქართველი კურსანტების სამშობლოში გადმოსვენებისა და დაკრძალვის ხარჯებს საქართველოს თავდაცვის სამინისტრო ფარავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა