ჰილარი კლინტონმა პოტენციურ ვიცე-პრეზიდენტად ადმირალი ჯეიმს სტავრიდისი დაასახელა

2016-07-13 12:45:57, 1489 ნახვა

მსოფლიო

ამერიკის შეერთებული შტატების პრეზიდენტობის „დემოკრატმა“ კანდიდატმა ჰილარი კლინტონმა პოტენციური ვიცე-პრეზიდენტის სახელი დაასახელა.

Reuters-ის ინფორმაციით, ვიცე-პრეზიდენტობის დემოკრატი კანდიდატი ევროპაში ნატო-ს ჯარების ყოფილი სარდალი, ადმირალი ჯეიმს სტავრიდისი გახდება.

კლინტონი სტავრიდისს ვიცე-პრეზიდენტობის კანდიდატად პარტიულ ყრილობაზე, ფილადეფლიაში 28 ივლისს დაასახელებს.

მან ვიცე-პრეზიდენტობის კანდიდატების შერჩევის შესახებ 8 ივნისს განაცხადა.

„ვარჩე ყველაზე კვალიფიციურ ხალხს, მათ შორის, ქალებს, რადგან მინდა ვიყო დარწმუნებული, რომ მას, ვისაც ავირჩევ, პრეზიდენტად გახდომა შეეძლება, თუ მე რამე დამემართება. ეს ყველაზე მთავარი კრიტერიუმია“, - განაცხადა კლინტონმა.

ჯეიმს სტავრიდისი ევროპაში ნატო-ს ჯარების სარდალი 2009-2013 წლებში იყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან