ბრიტანეთის პრემიერ-მინისტრის პოსტს ხვალიდან ტერეზა მეი დაიკავებს

2016-07-12 10:48:43, 1378 ნახვა

მსოფლიო

დიდ ბრიტანეთს ხვალიდან ახალი პრემიერ-მინისტრი ეყოლება, - ამის შესახებ BBC მოქმედ პრემიერ-მინისტრზე დევიდ ქემერონზე დაყრდნობით იუწყება.

ქემერონის თქმით, 12 ივლისს ის მინისტრთა კაბინეტის ბოლო სხდომას უხელმძღვანელებს, 13 ივლისს კი, პრემიერ-მინისტრის პოსტს ამჟამინდელი შინაგან საქმეთა მინისტრი, ტერეზა მეი დაიკავებს.

„მიხარია, რომ ტერეზა მეი შემდეგი პრემიერ-მინისტრი იქნება. ის ძლიერი, კომპეტენტური ადამიანია, და მას ჩემი სრული მხარდაჭერა ექნება“, - განაცხადა ქემერონმა.

შეგახსენებთ, რომ 23 ივნისს დიდ ბრიტანეთში ჩატარებული რეფერენდუმის შედეგად გაიმარჯვეს ქვეყნის ევროკავშირიდან გასვლის მხარდამჭერებმა, რის შემდეგაც პრემიერ-მინისტრმა დევიდ ქემერონმა გადადგომის შესახებ განაცხადა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან