საქართველოს მთავრობის ადმინისტრაციას  მაღალი დონის დელეგაცია ეწვია, რომელსაც ეკონომიკური თანამშრომლობისა და განვითარების ორგანიზაციის (OECD) გენერალური მდივნის  მოადგილე, დუგლას ფრანცი ხელმძღვანელობს.

თანამშრომლობის ახალი მიმართულების  გამოკვეთის მიზნით, OECD-ის  სამდივნომ საქართველოს მთავრობას  უწყებათაშორისი  შეხვედრის გამართვა შესთავაზა. შეხვედრას  ვიცე-პრემიერი დიმიტრი ქუმსიშვილი უძღვებოდა. მხარეებმა    საქართველო-ევროკავშირის ასოცირების დღის წესრიგისა და ქვეყნის განვითარების  სტრატეგიული დოკუმენტების   ფარგლებში, თანამშრომლობის გაღრმავების შესაძლებლობები განიხილეს.

თანამშრომლობის გაღრმავება მოიცავს ისეთ  თემებს, როგორიცაა: საჯარო მმართველობისა და მართლმსაჯულების  რეფორმა, ბიზნესგარემოს გაუმჯობესება, განათლება და გარემოს დაცვა.

 „დღეს ჩვენთან იმყოფება OECD -ის გენერალური მდივნის მოადგილე. ეს არის ძალიან მაღალი დონის ვიზიტი. ჩვენ დეტალურად გავიარეთ ყველა ის პროექტი, სადაც OECD არის ჩართული. მინდა, მოგახსენოთ, რომ ძალიან ფართოა იმ პროექტების ჩამონათვალი, სადაც OECD გვეხმარება, დაწყებული მცირე და საშუალო ბიზნესის სტრატეგიიდან, დამთავრებული საბაჟოს რეფორმებით. ყველა მიმართულებით ჩვენ გვაქვს ძალიან მნიშვნელოვანი პროგრესი, რაც აღინიშნა შეხვედრაზე, ასევე ჩვენ შევთანხმდით, თუ როგორ უნდა გაგრძელდეს OECD-ის ჩართულობა ჩვენი ქვეყნის დახმარებაში და შესაბამისად, რა მიზნებს უნდა ემსახურებოდეს ეს ყველაფერი. ჩვენ ვისაუბრეთ მცირე და საშუალო ბიზნესების, განათლებაზე, ინდუსტრიალიზაციაზე, საბაჟოზე და ვაჭრობის მხარდაჭერაზე, მწვანე ეკონომიკაზე. შევთანხმდით, რომ უნდა გაკეთდეს კომპლექსული შეფასება, სად იმყოფება დღეს ჩვენი ქვეყანა იმისათვის, რომ ნათლად დავინახოთ, რა ქმედებებია განსახორციელებელი, რათა ძალიან სწრაფად, ნაკლები დანაკარგებით და მეტი სარგებლით მივიდეთ OECD-ის ქვეყნების დონემდე”,-განაცხადა დიმიტრი ქუმსიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა