შეერთებული შტატები უკრაინას რეფორმებისთვის 220 მილიონ დოლარს გამოუყოფს. ამის შესახებ თეთრი სახლის ოფიციალურ განცხადებაშია ნათქვამი.

როგორც ცნობილია, ფინანსურ დახმარებაზე შეთანხმებას ამერიკის ვიცეპრეზიდენტმა ჯო ბაიდენმა და უკრაინის პრემიერმინისტრმა ვლადიმერ გროისმანმა ვაშინგტონში შეხვედრისას მიაღწიეს.

განცხადებაში ნათქვამია, რომ თანხები საბაჟო და სასამართლო სისტემის რეფორმირებას, ასევე კორუფციის წინააღმდეგ ბრძოლას, დეცენტრალიზაციის ზომების გაფართოებასა და ენერგეტიკული უსაფრთხოებისთვის ხელშეწყობას მოხმარდება.

"ამ ფინანსური დახმარებით გავაგრძელებთ უკრაინის ძალისხმევის მხარდაჭერას, რომელიც მიმართულია დემოკრატიული ინსტიტუტებისა და კანონის უზენაესობის, ასევე მდგრადი ეკონომიკური ზრდის საფუძვლების გაძლიერებისკენ და ჰუმანიტარული მოთხოვნილების დაკმაყოფილებისკენ", - ნათქვამია თეთრი სახლის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: აშშ-ის სახელით, ქართველ ხალხს ვულოცავ ეროვნულ დღესასწაულს

მარკო რუბიო სომხეთში ჩავიდა

მაკა ბოჭორიშვილს უმაღლესი დიპლომატიური რანგი მიენიჭება - დანამატის სახით მიიღებს ₾1 360-ს

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.