აშშ-ის ფედერალურმა საგამოძიებო ბიურომ დაადასტურა, რომ ქალაქ ორლანდოს გეი-კლუბში შეჭრილი შეიარაღებული პირი ომარ მატინი მათი ყურადღების ქვეშ, ჯერ კიდევ 2013 წელს მოექცა.

"FBI-იმ მატინს ყურადღება ჯერ კიდევ 2013 წელს მიაქცია, როდესაც მან უხეში გამონათქვამები გამოიყენა საკუთარი კოლეგების მიმართ და აღნიშნა, რომ მას თითქოს, რაღაც კავშირი ჰქონდა ტერორისტებთან", - განაცხადა ბიუროს აგენტმა რონალდ ჰოპერმა.

მისივე თქმით, მაშინ საგამოძიებო სტრუქტურამ დაკითხა თვითმხილველები, გადაამოწმა ეჭვმიტანილის ჩანაწერენი, აიყვანა მამაკაცი თვალთვალის ქვეშ და ის ორჯერ დაკითხა კიდეც, თუმცა, მისი კავშირი ექსტრემისტებთან ვერ დამტკიცდა და საქმეც დაიხურა.

ჰოპერის განცხადებით, მეორედ მატინი აშშ-ში დაბადებულ თვითმკვლელ ტერორისტთან აბუ სალაჰთან შესაძლო კავშირის გამო დაიკითხა, თუმცა, მაშინ საგამოძიებო უწყებამ დაასკვნა, რომ მატინი არავისთვის წარმოადგენდა საფრთხეს.

FBI-ის გაორმაგებული ყურადღების მიუხედავად, მატინმა იარაღის შეძენა-ტარების უფლება მაინც მოიპოვა.

შეგახსენებთ, რომ ფლორიდას შტატის ქალაქ ორლანდოში შეიაღარებული თავდასხმის შედეგად 50 ადამიანი დაიღუპა, 50-ზე მეტი ადამიანი კი, დაჭრილია. 29 წლის ავღანელი (რომელიც აშშ-ის მოქალაქეა) ომარ მატინი სპეცნაზმმა შტურმის დროს ადგილზევე მოკლა.

ორლანდოს ტრაგედია აშშ-ის ისტორიაში, მსხევრპლის რაოდენობის მიხედვით, ყველაზე ფართომასშტაბიან შეიარაღებულ თავდასხმად იქცა.

მომხდარს იმავე დღეს გამოეხმაურა აშშ-ის პრეზიდენტის ბარაკ ობამა. მან მომხდარი ტერორისტულ აქტად შეაფასა.

"მიუხედავად იმისა, რომ გამოძიება დასაწყის სტადიაშია, ჩვენ საკმარისი ინფორმაცია უკვე გვაქვს იმისთვის, რომ ვთქვათ, ეს იყო ტერორისტული აქტი, ეს იყო სიძულვილის აქტი", - განაცხადა პრეზიდენტმა.

ობამამ გასცა განკარგულება, სასწრაფო წესით იქნას გამოძიებული, ჰქონდა თუ არა რაიმე კავშირი მატინს ექსტრემისტებთან.

ომარ მატინის მამამ ინტერვიუ მისცა ტელეარხ NBC-ს. მისი თქმით, თავდასხმა არ იყო დაკავშირებული მისი შვილის რელიგიურ კუთვნილებასთან და ეს იყო მისი შეუწყნარებლობის გამოხატულება გეების მიმართ.

მისივე განცხადებით, ის ისევე შეძრულია მომხდარი ამბით, როგორც მთელი ქვეყანა და მან, შვილის საქციელის გამო, ბოდიში მოიხადა.

NBC-ის ცნობით, თავდასხმამდე ცოტა ხნით ადრე მატინიმ დარეკა უსაფრთხოების სამსახურში და "ისლამური სახელმწიფოს" მიმართ მისი ერგულების შესახებ განაცხადა. მოგვიანებით სააგენტო AMAK-ის მეშვეობით ტერორისტულმა დაჯგუფებამ განაცხადა, რომ მომხდარზე პასუხისმგებლობას "ისლამური სახელმწიფო" იღებს.

წინასწარი მონაცემებით, ტრაგედიის საღამოს გეი-კლუბში 300 ადამიანი იყო შეკრებილი. თვითმხილველების ინფორმაციით, თავსამსხმელმა ცეცხლი ადგილობრივი დროით, ღამის 2 საათზე გახსნა. ინციდენტის შემსწრე ადამიანთა ნაწილი კლუბის საგრიმიოროში დაიმალა და იქედან ტვიტერზე დაიწყეს მომხდარის შესახებ ინფორმაციის განთავსება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარკო რუბიო სომხეთში ჩავიდა

მაკა ბოჭორიშვილს უმაღლესი დიპლომატიური რანგი მიენიჭება - დანამატის სახით მიიღებს ₾1 360-ს

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს