საქართველოს თავდაცვის მინისტრის, თინა ხიდაშელის განცხადებით, ოფიცილურად დადასტურდა, რომ ქართული შეიარაღებული ძალები აბსოლუტურ მზადყოფნაშია და ნატო-ს შეიარაღებულ ძალებთან თავსებადობის რეჟიმში მუშაობს.

ამის შესახებ ხიდაშელმა ჟურნალისტებს სასტუმრო „ჰუალინგ თბილისში“ განუცხადა, სადაც „საქართველოს თავდაცვისა და უსაფთხოების რიგით მე-10 კონფერენცია“ მიმდინარეობს.

ხიდაშელი ჟურნალისტებს მომავალ გეგმებზეც ესაუბრა. მისი განმარტებით, თავდაცვის სამინისტრო პარტნიორი ქვეყნების თანამონაწილეობით უფრო მეტი წვრთნებისთვის ემზადება.

„ქართული შეიარაღებული ძალები აბსლოუტურ მზადყოფნაშია და ნატო-ს შეიარაღებულ ძალებთან თავსებადობის რეჟიმში მუშაობს. ეს აღარაა ცარიელი სიტყვები და ოფიციალურად დადასტურებული გუშინდელი დღიდან. მომავალი წლის გეგმებს რაც შეეხება, გენერალმა ჰოჯესმა თავისი გამოსვლა დაამთავრა იმით, რომ უკვე ველოდებით 2017 წლის „ღირსეულ პარტნიორს“, ამიტომ ჩვენ ვემზადებით უფრო მეტი წვრთნებისთვის ქართული შეიარაღებული ძალების შესაძლებლობების გაძლიერებაზე ორიენტირებული ღონისძიებებისთვის. მაგრამ, 2017 წელში სანამ გადავალთ, 2016 წელს გვაქვს დაგეგმილი ბევრი წვრთნა, „ღირსეული პარტნიორის“ სიდიდის არა, მაგრამ ძალიან ფართომასშტაბიანი, მრავალი პარტნიორი ქვეყნის მონაწილეობით სამხედრო წვრთნები იქნება. ასევე, დაგეგმილია მცირემასშტაბიანი წვრთნები“, - განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“

პუტინმა ხელი მოაწერა კანონს, რომელიც აფართოებს რუსეთსა და ცხინვალს შორის ინტეგრაციას

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T