საქართველოში ვიზიტად აშშ-ის ევროპული სარდლობის (EUCOM) J-5 დირექტორატის უფროსის მოადგილე, ბრიგადის გენერალი დან დესკინსი იმყოფება. დღეს ამერიკელი გენერალი საქართველოს შეიარაღებული ძალების გენერალური შტაბის უფროსის პირველ მოადგილეს, პოლკოვნიკ ომარ ბეგოიძეს შეხვდა. შეხვედრას ასევე დაესწრნენ საქართველოში აშშ-ის სამხედრო ატაშე, პოლკოვნიკი მეთიუ დიმიკი და საქართველოს შეიარაღებული ძალების გენერალური შტაბის სხვა ხელმძღვანელი პირები.

შეხვედრაზე აშშ-საქართველოს სტრატეგიულ ურთიერთობებზე და ერთობლივ სამხედრო სწავლებებზე ისაუბრეს. საუბარი შეეხო ამერიკის შეერთებულ შტატებსა და საქართველოს შორის თავდაცვის სფეროში ორმხრივი თანამშრომლობის განვითარების საკითხებს. შეხვედრის ერთ-ერთი მთავარი თემა რეგიონში მიმდინარე მოვლენები და არსებული უსაფრთხოების გარემო იყო.

„დღეს ჩვენ ვმასპინძლობთ აშშ-საქართველოს ერთ-ერთ უმსხვილეს სწავლებას. ამერიკელ გენერალს აინტერესებდა, თუ როგორ ვხედავთ მომავალში ჩვენი თანამშრომლობის განვითარებას. რა უნდა გაუმჯობესდეს, რა შეიძლება დავამატოთ ამ თანამშრომლობას, როგორ შეიძლება გავაუმჯობესოთ ის სწავლებები, რომელიც ახლა მიმდინარეობს და რომელიც იგეგმება. ასევე ვისაუბრეთ ჩვენი შესაძლებლობების განვითარებაზე, რომ ხელი შევუწყოთ აშშ-ის ჯარების და ტექნიკის უფრო სწრაფ გადმოსროლას საქართველოში სწავლებების ჩატარების მიზნით“, - განაცხადა პოლკოვნიკმა ომარ ბეგოიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“

პუტინმა ხელი მოაწერა კანონს, რომელიც აფართოებს რუსეთსა და ცხინვალს შორის ინტეგრაციას

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T