გიორგი კვინიტაძის სახელობის კადეტთა სამხედრო ლიცეუმის დირექტორი, პოლკოვნიკი ალექსი კეკელია, მთავარი სერჟანტი იაკობ მარუაშვილი და სტრატეგიული კომუნიკაციების დეპარტამენტის საერთაშორისო კომუნიკაციების სამმართველოს უფროსი ბექა კობახიძე 2016 წლის 16-20 მაისს რუმინეთში, ქალაქ ბრეაზას დიმიტრი კანტემირის სახელობისა და ქალაქ ალბა იულიას მიჰაი მამაცის სახელობის სამხედრო ლიცეუმებში იმყოფებოდნენ.

თავდაცვის სამინისტროს ინფორმაციით, ორივე ლიცეუმს ევროკავშირის მიერ მინიჭებული „ევროპული სკოლის“ სტატუსი აქვს. ქართულმა მხარემ რუმინული სამხედრო ლიცეუმების მაგალითზე საუკეთესო ევროპული გამოცდილება შეისწავლა. გიორგი კვინიტაძის სახელობის კადეტთა სამხედრო ლიცეუმის ხელმძღვანელობის განსაკუთრებული ინტერესის საგანს სასწავლო პროცესსა და საცხოვრებელ გარემოზე დაკვირვება, მატერიალურ-ტექნიკური და საკანონმდებლო ბაზების შესწავლა წარმოადგენდა.

რუმინული სამხედრო ლიცეუმები თავიანთ რიგებში გოგონებს 2001 წლიდან იღებენ. 2016 წლის სექტემბერში საქართველოში კადეტი გოგონების პირველი ნაკადის მიღება ქართულ რეალობაზე ადაპტირებულ რუმინულ გამოცდილებას დაეფუძნება.

მხარეები თანამშრომლობის გაგრძელებასა და გაღრმავებაზე შეთანხმდნენ. 2017 წელს რუმინული მხარე საპასუხო ვიზიტით გიორგი კვინიტაძის სახელობის კადეტთა სამხედრო ლიცეუმს ეწვევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“

პუტინმა ხელი მოაწერა კანონს, რომელიც აფართოებს რუსეთსა და ცხინვალს შორის ინტეგრაციას

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T