საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“ „ევროპის იურისტ სტუდენტთა ასოციაცია საქართველოსთან“ („ელსა საქართველო)“ ითანამშრომლებს.

თანამშრომლობის მემორანდუმს ხელი სსიპ „დანაშაულის პრევენციის ცენტრის“ დირექტორმა, ირაკლი ხელაძემ და „ელსა საქართველოს“ პრეზიდენტმა, ქეთევან მჭედლიშვილმა მოაწერეს.

ცენტრის ინფორმაციით, თანამშრომლობის მიზანია სსიპ „დანაშაულის პრევენციის ცენტრის“ ახალგაზრდული პროგრამების მონაწილეების სამართლებრივი ცნობიერების ამაღლება, საგანმანათლებლო უნარჩვევევის განვითარების ხელშეწყობა, გამოცდილების გაზიარება.

მემორანდუმის ხელმოწერა „ევროპის იურისტ სტუდენტთა ასოციაციის“ 35-ე წლისადმი მიძღვნილ ღონისძიებაზე გაიმართა, რომელსაც „ელსა საქართველოს“ პარტნიორი სახელმწიფო და კერძო სექტორის, ასევე უმაღლესი სასწავლებლების  წარმომადგენლები დაესწრნენ. საიუბილეო თარიღი  ასოციაციის 43 წევრი ქვეყნისთვის უმნიშვნელოვანესი მოვლენაა, რომელიც ევროპის 200-მდე ქალაქში აღინიშნა. „ელსა“ არის ევროპაში იურისტ სტუდენტთა ერთ-ერთი უდიდესი გაერთიანება, რომელიც 40 ათასამდე სტუდენტსა და ახალგაზრდა იურისტს აერთიანებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანული მედია: თეირანსა და ვაშინგტონს შორის შეთანხმება მიღწეული არ არის

ორდღიანი ძებნის შემდეგ, დაკარგული მწყემსი მდინარე გუბისწყალში გარდაცვლილი იპოვეს

ბათუმის სახელმწიფო უნივერსიტეტის პროფესორმა ახალგაზრდა გოგოებზე იძალადა

Axios: აშშ და ირანი 60-დღიან ცეცხლის შეწყვეტაზე შეთანხმდნენ