მარტყოფის საზოგადოებრივ ცენტრს ბელარუსის დელეგაცია ეწვია

2016-05-11 11:28:10, 568 ნახვა

საზოგადოება

ბელარუსის რესპუბლიკის დეგელაცია მარტყოფის საზოგადოებრივ ცენტრს ეწვია.

დეგელაციის წევრებს ცენტრში საზოგადოებრივი პროექტის – ”ელექტრონული მმართველობის დანერგვა ადგილობრივ თვითმმართველობებში” – დირექტორმა მარიამ ძაგნიძემ უმასპინძლა.

სტუმრები საზოგადოებრივი ცენტრის მუშაობასა და ელექტრონული მმართველობის ძირითად პრინციპებს გაეცნენ. დელეგაციის წევრებს შორის იყვნენ ბელარუსის რესპუბლიკის იურიდიულ პირთა და ინდივიდუალურ მეწარმეთა ერთიანი სახელმწიფო რეესტრის ხელმძღვანელი დიმიტრი კოვალენკო, კონსულტანტი ინა ლეუსი და მთავარი სპეციალისტი ოლგა კურეცი.

ცენტრის ინფორმაციით, აღნიშნული ვიზიტი საქართველოსა და ბელარუსის რესპუბლიკის იუსტიციის სამინისტროებს შორის გაფორმებული მემორანდუმით გათვალისწინებული თანამშრომლობის ფარგლებში განხორციელდა.

სტუმრები გაეცნენ ქვეყანაში მოქმედ ელექტრონულ სარეგისტრაციო სისტემას და ელექტრონული მმართველობის, ერთი ფანჯრისა და ინფორმაციის ხელმისაწვდომობის პრინციპებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან