„ასაფეთქებლის ნაწილზე გია სოსანაშვილის დნმ კი არ აღმოაჩინეს, მასზე გადაიტანეს“, - აღნიშნული განცხადება იური ვაზაგაშვილის აფეთქებისთვის ბრალდებულის სოსანაშვილის ადვოკატმა სოსო ჯოგლიძემ საინფორმაციო- ანალიტიკურ პორტალ „კვირას“ პრესკლუბში გააკეთა. 

ადვოკატ ჯოგლიძის განცხადებით, მისი დაცვის ქვეშ მყოფ პირს დნმ-ის ანალიზი პირველად 6 თებერვალს აუღეს. მისი თქმით, ნივთმტკიცებაზე სწორედ ამ დღეს აღებული დნმ-ის დატანა მოხდა. ჯოგლიძის განცხადებით, საქმეში 6 თებერვალს აღებული დნმ-ის შესახებ ინფორმაცია არ დევს. მისი თქმით, ოფიციალურად საქმეში მხოლოდ 7 თებერვალს მეორედ აღებული დნმ-ის შესახებ არის ჩანაწერი. 

„ჩემი დაცვის ქვეშ მყოფ პირს დაურეკეს და გენინსპექციის სამმართველოს უფროსის კაბინეტში დაიბარეს. სწორედ იქ მოხდა 6 თებერვალს პირველად დნმ-ის აღება, თუმცა ეს სინჯი არ დალუქულა, ხელი მასზე არავის მოუწერია. დაილუქა ის სინჯი, რომელიც 7 თებერვალს აიღეს. 6 თებერვალს აღებული კი სპეციალურად წაუსვეს საფლავზე აღმოჩენილ ნივთმტკიცებაზე. გამოძიებას არ აწყობდა ამის გამჟღავნება. ჩვენ ვაპირებთ დნმ-ის ანალიზის შემოწმებას. ადგილზე სხვა დნმ-ების არსებობასთან დაკავშირებით ჩემთვის ცნობილი გახდა გუშინ, მიდის გამოძიება. არ არის გამორიცხული, რომ 23 იანვარს ყარაფილადან აღებული სინჯი სოსონაშვილის სინჯს დაემთხვეს“,- განაცხადა სოსო ჯოგლიძემ.

ადვოკატმა უარყო ინფორმაცია, თითქოს გია სოსანაშვილი კომპიუტერში იური ვაზაგაშვილის მონაცემებს ეძებდა. მისი თქმით, ამის დასადასტურებლად შესაძლებელია კომპიუტერული ექსპერტიზის ჩატარება, რითაც დამტკიცდება, რომ აღნიშნულ ფაქტს ადგილი არ ჰქონია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს