უკვე შემდგარი ფაქტია, რომ რეალური ზეწოლის პირობებში „ოცნება“ უკან იხევს, - ამის შესახებ პატიმრობაში მყოფი „დროას“ ლიდერი ელენე ხოშტარია სოციალურ ქსელში წერს.

ელენე ხოშტარიას განცხადებით, ოპოზიცია „ქართული ოცნების“ მიერ დაგროვილი უამრავი უსამართლობიდან 1-ის გამოსწორებას არ უნდა დასჯერდეს და ბოლომდე უნდა იბრძოლოს.

„რუსული ოცნების“ ზოგიერთ ბოლოდროინდელ მოქმედებაზე შორს მიმავალი დასკვნების გაკეთება ჯერ არ მინდა, თუმცა, ორ საკითხს მინდა, გავუსვა ხაზი:

1. უკვე შემდგარი ფაქტია, რომ რეალური ზეწოლის პირობებში, (ქვეყნის გარეთ და შიგნით) „ოცნება“ უკან იხევს. ეს ფაქტი კარგად გავიაზროთ. თითოეულმა მოქალაქემ, რომელიც ამდენი ხანია იბრძვის, უნდა დააფასოს საკუთარი შრომა. სწორედ თქვენი ჯიუტი შემართების და მოქმედების გამო „ოცნებას“ უწევს, დაიხიოს უკან. არ არსებობს გარე ზეწოლა შიდა წინააღმდეგობების გარეშე. ყოველ ჯერზე, როცა ვიტყვით - „რა აზრი აქვს?!“, გავიხსენოთ კონკრეტული სანქცირებული და ფულზე მოწუწუნე პროპაგანდისტები და კობახიძის სახე, ზელენსკის გვერდით როცა იდგა.
2. „ოცნების“ უკან დახევა, ახლა იქნება ეს თუ მერე, ჩვენს წინაშე დააყენებს დიდ გამოწვევას - პირველივე უკან დახევით დავკმაყოფილდებით თუ არა, ან მათივე დაგროვილი უამრავი უსამართლობიდან 1-ის გამოსწორებას ხომ არ დავჯერდებით ან თავს ხომ არ მოვიტყუებთ და ფასადურ დათმობას რეალურ დათმობად გავასაღებთ?! - ეს დაუშვებელია, რადგან „ოცნება“ ახალ წრეზე წავა და მარცხი გარდაუვალი იქნება.

ამიტომ დავაფასოთ, რომ ბრძოლას შედეგი აქვს, რომ იმაზე მეტი შეგვიძლია, ვიდრე ზოგჯერ გვგონია და მოთმინება არ დავკარგოთ. ბოლომდე!“, - ნათქვამია წერილში.

ავტორი: ექსპრესნიუსი,

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები