აზერბაიჯანელი ჟურნალისტის, აფგან სადიგოვის მეუღლემ გამოაქვეყნა წერილი, რომელიც, მისი თქმით, მიმართულია საქართველოს გენერალური პროკურორის მოადგილის, ამირან გულუაშვილის სახელზე და ხელმოწერილია აზერბაიჯანის გენერალური პროკურატურის სახელით. წერილით ქართული მხარე სთხოვს, „უარყოს“ სადიგოვის 2024 წლის 12 ივლისის ექსტრადიციის მოთხოვნა.

„აზერბაიჯანის რესპუბლიკის გენერალური პროკურატურა გამოხატავს პატივისცემას საქართველოს გენერალური პროკურატურის მიმართ და აცნობებს, რომ გენერალური პროკურატურის მიერ ჩატარებული გამოძიების ფარგლებში, 2026 წლის 1 აპრილს, გამომძიებელმა გადაწყვიტა შეწყვიტოს სისხლისსამართლებრივი დევნა ხათამხან ოღლუ სადიგოვის წინააღმდეგ.

ზემოაღნიშნულის გათვალისწინებით, მოვითხოვთ, რომ უარი თქვან საქართველოს გენერალური პროკურატურის 2024 წლის 12 ივლისის მოთხოვნაზე აფგან სადიგოვის ექსტრადიციის შესახებ“, - ნათქვამია წერილში.

შეგახსენებთ, რომ სასამართლომ აზერბაიჯანელი ჟურნალისტის, აფგან სადიგოვის, სამშობლოში დეპორტაციის ბრძანება 5 აპრილის დილით ადრე მიიღო. აზერბაიჯანი მის ექსტრადიციას თითქმის ორი წლის განმავლობაში ითხოვდა.

სადიგოვი აქტიურად მონაწილეობდა თბილისში გამართულ საპროტესტო აქციებში და ბოლო წლებში რამდენჯერმე დააკავეს, მათ შორის გზის გადაკეტვის ბრალდებით. 2024 წელს მას ექსტრადიციის პატიმრობა მიესაჯა.

მისი ადვოკატები აცხადებდნენ, რომ ჟურნალისტი აზერბაიჯანში კრიტიკული შეხედულებების გამო იდევნებოდა და ექსტრადიციის შემთხვევაში მის სიცოცხლეს საფრთხე შეექმნებოდა. პატიმრობაში ყოფნისას სადიგოვმა 141-დღიანი შიმშილობა გამოაცხადა.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი