საქალაქო სასამართლოში ნიკა მელიას პროცესი მიმდინარეობს - ოპოზიციონერი ლიდერი, რომელსაც ამჯერად მოსამართლე თორნიკე ქოჩქიანის შეურაცხყოფას ედავებიან, პროცესს არ ესწრება.  

როგორც სასამართლოდან "ტვ პირველის" ჟურნალისტი იუწყება, რამდენიმე წუთის წინ, სხდომაზე დაცვის მხარემ მტკიცებულებები უდაო გახადა, რაც იმას ნიშნავს, რომ ამ საქმეზე სასამართლოში მტკიცებულებების გამოკვლევა არ მოხდება.

საქმე დასკვნით ეტაპზე გადავიდა.  შემდეგ სხდომაზე მხარეები დასკვნით სიტყვებს წარმოთქვამენ.

ნიკა მელიამ პროცესის დაწყებამდე "პირველებს" განუცხადა, რომ მათი ინტერესია, საქმეზე განაჩენი მაქსიმალურად სწრაფად დადგეს - "გავიგოთ, საბოლოო ჯამში რა გადაწყვეტილება აქვს მიღებული მორიგ ჯერზე ხელისუფლებას, ნიკას დამატებით ტოვებენ საპყრობილეში, თუ გამოიყენებენ სხვა ალტერნატიულ სასჯელს"

საქმე ეხება იმ პროცესს, როცა ნიკა მელია უკანონო გატაცების ფაქტთან დაკავშირებით მიმდინარეობდა სამართალწარმოება და ნაცვლად იმისა, რომ პოლციიელების მხრიდან გამოვლენილი  დანაშაულებრივი ქმედების გამო მოსამართლეს მოეხდინა რეაგირება ნიკა მელია დააჯარიმეს 5000 ლარით. ამიტომაც, არ მიგვაჩნია, რომ ნიკასთან მიმართებით მორიგ ჯერზე მიმდინარეობს სამართალწარმოება. ეს არის წმინდა წყლის პოლიტიკური პროცესი. უკვე სათვალავიც აგვერია, რომელ დღეს  რომელ საქმეს იხილავენ ნიკა მელიასთან მიმართებით. ნიკა მელია თვითონ ამ საქმეს არ დაესწრება. ჩვენი ინტერესია, რომ მაქსიმალურად სწრაფად მოხდეს აღნიშნული პროცესის შეკვეცა, რომ გავიგოთ, საბოლოო ჯამში რა გადაწყვეტილება აქვს მიღებული მორიგ ჯერზე ხელისუფლებას, ნიკას დამატებით ტოვებენ საპყრობილეში, თუ გამოიყენებენ სხვა ალტერნატიულ სასჯელს. საქმის განხილვას არაფერი არ აქვს საერთო სამართლებრივ პროცესთან", - ამბობს ადვოკატი. 

მელიას ადმინისტრაციულ საქმეთა კოლეგიის მოსამართლის, თორნიკე ქოჩქიანის შეურაცხყოფას ედავებიან. ქოჩქიანი 2025 წლის ნოემბერში ნიკა მელიას ადმინისტრაციულ საქმეს განიხილავდა. მან ლისის ტბის ასახვევთან დაკავებისას პოლიციელის შეურაცხყოფის საბაბით მელია 5 000 ლარით დააჯარიმა.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე