სააგენტო როიტერის ცნობით, ირანის ახალი უზენაესი ლიდერი, მოჯტაბა ხამენეი, შესაძლოა აშშ-ისრაელის თავდასხმების დროს დაიჭრა, რომლის შედეგადაც მისი მამა, აიათოლა ალი ხამენეი დაიღუპა.

სააგენტო აღნიშნავს, რომ ამჟამად ამის ოფიციალური დადასტურება არ არსებობს, მაგრამ ირანული მედია იყენებს ტერმინოლოგიას, რომელიც ამას მიანიშნებს: „სახელმწიფო ტელევიზიის წამყვანი გამოჩნდა დაჭრის შესახებ ჭორების დასადასტურებლად და ხამენეის „რამადანის ომის“ „ჯანბაზი“ (დაჭრილი ვეტერანი) უწოდა, როგორც ირანი ამჟამინდელ კონფლიქტს უწოდებს“.

აღნიშნულია, რომ დაზიანება, უსაფრთხოების საკითხებთან ერთად, შეიძლება ხსნიდეს მოჯტაბას დუმილს უზენაეს ლიდერად გამოცხადების შემდეგ. სააგენტოს წყაროების ცნობით, ფაქტობრივი ძალაუფლება ახლა IRGC-ის ხელშია კონცენტრირებული, რომელიც „გააფთრებული“ იყო პრეზიდენტ პეზეშკიანის მიერ სპარსეთის ყურის ქვეყნებისთვის ბოდიშის მოხდის შემდეგ. ერთ-ერთმა წყარომ აღნიშნა, რომ ალი ხამენეიმ შეძლო გვარდიის შეკავება, მათი ინტერესების პოლიტიკური და სულიერი ელიტის შეხედულებებთან დაბალანსებით: „ახლა, მაშინაც კი, თუ ახალი ლიდერი საკმარისად ჯანმრთელია სათავეში ჩადგომისთვის, გვარდია, სავარაუდოდ, ძირითად გადაწყვეტილებებზე საბოლოო სიტყვას შეინარჩუნებს“.

ასევე აღინიშნა, რომ გვარდიამ „დააწინაურა“ მოხტაბას კანდიდატურა ახალ უზენაეს ლიდერად, რადგან მას „მამის უფრო მოქნილ ვერსიად“ მიიჩნევს, რომელიც მზადაა მხარი დაუჭიროს მათ მკაცრ კურსს“. სამი მაღალი რანგის ირანული წყაროს, ყოფილი რეფორმატორი ჩინოვნიკის და კიდევ ერთი ინსაიდერის თანახმად, ხამენეის არჩევანმა შეიძლება გამოიწვიოს უფრო აგრესიული საგარეო პოლიტიკა და შიდა რეპრესიების ზრდა. ორმა მათგანმა გამოთქვა შეშფოთება, რომ გვარდიის დომინირება საბოლოოდ ისლამურ რესპუბლიკას სამხედრო სახელმწიფოდ გარდაქმნის, „რელიგიური ლეგიტიმურობის მხოლოდ თხელი ფარდით“.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე