ბათუმისა და ლაზეთის მიტროპოლიტი, მეუფე დიმიტრი შიოლაშვილი უკრაინელ ხალხს მიმართავს, რომელსაც ბათუმისა და ლაზეთის ეპარქია ავრცელებს.

ბათუმისა და ლაზეთის მიტროპოლიტ დიმიტრი შიოლაშვილის მიმართვა უკრაინელ ხალხს:

ძვირფასო უკრაინის მცხოვრებლებო,

ამ სტრიქონებს გულისტკივილით და უღრმესი თანაგრძნობით გწერთ.

ჩვენ ვხედავთ, როგორ ინგრევა ქალაქები თქვენ თვალწინ, იტანჯებიან ბავშვები, დედები, მოხუცები - ადამიანები, რომლებიც არასდროს უნდა გამხდარიყვნენ ომის მსხვერპლი.

თქვენი სიმამაცე გამაოგნებელია.

თქვენი გამძლეობა მთელი კაცობრიობის ხმაა, თქვენ მარტო არ ხართ.

მიუხედავად იმისა, რომ დღეს აფეთქებების, შიშსა და გაურკვევლობაში ხართ გარშემორტყმული,

იცოდეთ, რომ სხვადასხვა ქვეყანაში მილიონობით ადამიანი ფიქრობს თქვენზე, ლოცულობს თქვენთვის და გისურვებს მშვიდობას.

თითოეული ცრემლი და დანაკარგი არასოდეს მიეცემა დავიწყებას.

ჩვენ გვჯერა, რომ დადგება დღე,

როდესაც თქვენი ქალაქები კვლავ სიცილით აივსება,

როდესაც ბავშვები მშვიდობიანი ცის ქვეშ ითამაშებენ,

როცა სირენების ნაცვლად სიცოცხლის მუსიკა აჟღერდება.

უფალმა დაგიფაროთ, მოგცეთ ძალა, რომ გაუძლოთ ამ საშინელ დროს.

გული არ გაიტეხოთ და იმედი არ გაგიქრეთ.

უღრმესი პატივისცემითა და თანადგომით ბათუმისა და ლაზეთის მიტროპოლიტი

დიმიტრი შიოლაშვილი" | წერს სოციალურ ქსელში ბათუმისა და ლაზეთის ეპარქია

ავტორი: ექსპრესნიუსი,

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა