ოპოზიციის მხარდამჭერ სამუკა დარჩიას ისევ ემუქრებიან - მარტში მომხდარი თავდასხმის შემდეგ მისი ჯანმრთელობა გაუარესდა

2022-08-07 23:56:38, 1794 ნახვა

პოლიტიკა

ოპოზიციის მხარდამჭერის, სამუკა დარჩიას მიმართ მუქარა და ზეწოლა გრძელდება. პოლიტიკური ნიშნით თავდასხმა, რა დროსაც დარჩიას მძიმე ფიზიკური დაზიანებები მიაყენეს, მიმდინარე წლის 7 მარტს მოხდა, თუმცა დაკავებული ამ დრომდე არავინ არ არის. დარჩია ამბობს, რომ მიყენებული
დაზიანებების შედეგად, მისი ჯანმრთელობის მდგომარეობა როგორც ფიზიკური, ისე ფსიქოლოგიური თვალსაზრისით გაუარესებულია. კერძოდ, გარკვეული ორგანოების ფუნქციონირება მოშლილია,
ომი უკრაინაში Uნიან - რუს ბავშვებს უნერგავენ სიძულვილს უკრაინელების მიმართ და ამართლებენ რუსეთის ფედერაციის მიერ დაწყებულ სისხლიან ომს აღენიშნება მძიმე დეპრესია.

"მომხდარის გამო, როგორც ექიმები ამბობენ, შფოთვითი აშლილობა ჩამომიყალიბდა. ღამით
გადაადგილებისგან თავს ვიკავებ, რადგან შიში მაქვს, მგონია, რომ ვინმე ისევ თავს დამესხმება, რადგან
მუქარები ამ დრომდე არ შეწყვეტილა", - თქვა სამუკა დარჩიამ.
მისივე თქმით, მუქარის შემცველი მესიჯებისა და ჯანმრთელობის მდგომარეობის გაუარესების გამო,
იძულებული გახდა, სამუშაო ადგილი დაეტოვებინა.
"ჩემი სამუშაო ადგილი კარგად არის ცნობილი იმ პირებისთვის, რომლებმაც თავდასხმა
განახორციელეს. დაკავებული არავინაა, ამიტომ იქ თავს უსაფრთხოდ ვეღარ ვგრძნობდი", - თქვა
დარჩიამ.
შეგახსენებთ, სამუკა დარჩიას 7 მარტს, იმ დროს დაესხნენ თავს, როდესაც ის სამსახურებრივ
მოვალეობას ასრულებდა და კომპანიის ოფისიდან საწყობში შემოწმების მიზნით ჩადიოდა. უცნობმა
პირმა მას თავში ბლაგვი საგანი ჩაარტყა, რის შემდეგაც დარჩია დაეცა. როგორც დარჩია ამბობს,
თავდამსხმელმა მას ფიზიკური ანგარიშსწორებისას რამდენჯერმე უთხრა, რომ "ნაცები", ანუ
"ნაციონალური მოძრაობა" ხელისუფლებაში ვეღარ მოვა და რომ ისინი (ოპოზიცია) "უფრო მეტის
ღირსები არიან".