აშშ-სა და ნატოს სამხედრო დამგეგმავები ომის დასრულების შემდეგ უკრაინის უსაფრთხოების გარანტიების შესაძლო სცენარების შემუშავებას იწყებენ, იტყობინება Reuters აშშ-ის ოფიციალურ პირებზე დაყრდნობით.

ბიძგი აშშ-ის პრეზიდენტ დონალდ ტრამპის დაპირება იყო, რომ კიევს რუსეთთან სამომავლო სამშვიდობო შეთანხმების ფარგლებში დაეხმარებოდა. ერთ-ერთი ვარიანტი ითვალისწინებს ევროპული ჯარების განლაგებას უკრაინის ტერიტორიაზე ეროვნული დროშების ქვეშ, მაგრამ აშშ-ის მეთაურობით. ამავდროულად, ამერიკული ჯარები უკრაინაში არ გაიგზავნებიან.

ტრამპმა ამას Fox News-თან ინტერვიუში ხაზი გაუსვა:

„როდესაც საქმე უსაფრთხოებას ეხება, (ევროპელები) მზად არიან ხალხი ადგილზე გაგზავნონ, ჩვენ მზად ვართ დავეხმაროთ მათ სხვადასხვა საკითხში, განსაკუთრებით, ალბათ... ჰაერში, რადგან არავის აქვს ის, რაც ჩვენ გვაქვს“. წყაროების ცნობით, აშშ-მ შესაძლოა უკრაინას დამატებითი საჰაერო თავდაცვის სისტემები მიაწოდოს ან თუნდაც ფრენის აკრძალვის ზონა დააწესოს თავისი გამანადგურებლებით.

ამასობაში, ოთხშაბათს გაიმართება ნატოს სამხედრო ლიდერების ვირტუალური შეხვედრა, სადაც განიხილება უკრაინასთან დაკავშირებული შემდგომი ნაბიჯები და ტრამპისა და ვლადიმერ პუტინის ალასკაში ბოლო მოლაპარაკებების შედეგები.

კიევი და მისი მოკავშირეები შიშობენ, რომ ვაშინგტონი შეიძლება შეეცადოს მოსკოვის პირობებით შეთანხმების იძულებით მიღწევას. ამავდროულად, ევროპა აღნიშნავს, რომ უსაფრთხოების გარანტიები საკმარისად ძლიერი უნდა იყოს კრემლის შემდგომი აგრესიის შესაკავებლად.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე