ნატოს წევრი ქვეყნები გააგრძელებენ უკრაინისთვის იარაღის მიწოდების კოორდინირებულ ძალისხმევას, აშშ-ის პრეზიდენტ დონალდ ტრამპსა და რუს დიქტატორ ვლადიმერ პუტინს შორის შეხვედრის შედეგის მიუხედავად.

ამის შესახებ Clash Report-ის ცნობით, ნატოს გენერალურმა მდივანმა მარკ რუტემ განაცხადა. მან დაარწმუნა, რომ ნატო უკრაინას მიაწვდის „ყველაფერს, რაც მას სჭირდება ბრძოლისა და საუკეთესო პოზიციაში ყოფნისთვის“, როდესაც ცეცხლის შეწყვეტის ან სამშვიდობო შეთანხმების მოლაპარაკებების დრო დადგება.

რუტემ ასევე აღნიშნა, რომ ტრამპი პუტინს ალასკაში „გამოცდის“ და უკრაინასთან დაკავშირებით საბოლოო შეთანხმება არ იქნება.

„პარასკევს პრეზიდენტი ტრამპი პუტინს გამოცდის... პარასკევს მნიშვნელოვანია იმის გაგება, თუ რამდენად სერიოზულია პუტინი. და ერთადერთი, ვისაც ამის გაკეთება შეუძლია, ტრამპია“, - განაცხადა ნატოს გენერალურმა მდივანმა. მან დასძინა, რომ ძალიან მნიშვნელოვანია, რომ ეს შეხვედრა შედგეს, თუმცა საბოლოო გადაწყვეტილებები მასზე არ იქნება მიღებული.

„საბოლოო შეთანხმება არ იქნება“, - თქვა რუტემ.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე