თბილისის მერის, კახა კალაძის განცხადებით, ამ დროისთვის არსებული ინფორმაციით, სადგურის მოედნის ტერიტორიაზე მომხდარი ავარიის შედეგად ერთი ადამიანი გარდაიცვალა.

მისივე თქმით, ასევე დაშავდა ერთი ადამიანი, რომელიც კლინიკაში შესაბამის მკურნალობას გადის.

კახა კალაძემ აღნიშნა, რომ შენობა ავარიული იყო, თუმცა მაცხოვრებლებს შორის განსახლების პროგრამაში მონაწილეობის შესახებ სრული თანხმობის მიღწევა ვერ მოხერხდა.

„რაც შეეხება შენობას, ის ავარიული იყო, მას მეხუთე კატეგორია ჰქონდა მინიჭებული და რესტავრაციას არ ექვემდებარებოდა. ადგილობრივმა მოსახლეობამ ამის შესახებ იცოდა და დიდუბის რაიონის ადმინისტრაციაში მრავალი შეხვედრა გაიმართა. მათ შესთავაზეს განსახლების პროგრამაში მონაწილეობა, რომლის ფარგლებშიც ჩვენ უზრუნველვყოფდით ამ შენობის დანგრევას და ახლის აშენებას. ამ პროგრამის განსახორციელებლად საჭიროა მაცხოვრებლების 100%-იანი თანხმობა, რაც, სამწუხაროდ, ჯერ არ არის მიღწეული. რამდენიმე ოჯახი, ვინც დათანხმდა, ნაქირავებ საცხოვრებელში გადაიყვანეს, დანარჩენებმა კი ამ ეტაპზე უარი თქვეს. „ეს არის რეალური სიტუაცია“, - თქვა კახა კალაძემ.

ავტორი: ექსპრესნიუსი,

სოციალური ქსელები

თვისუფლება გადამდებია - PSP დამოუკიდებლობის დღისადმი მიძღვნილი ახალი კამპანია

"ერთად გამარჯვებისთვის!" - ოპოზიციის ალიანსი დღეს საპროტესტო აქციას გამართავს

რუბიომ ვაშინგტონსა და კიევს შორის აქტიური მოლაპარაკებების არარსებობის შესახებ განაცხადა

მეფე ჩარლზ III - მე და ჩემი მეუღლე გულთბილად ვულოცავთ ქართველ ხალხს საქართველოს დამოუკიდებლობის დღეს