მიანმარის სამხედრო ხელისუფლების განცხადებით, 28 მარტს მომხდარი მიწისძვრის შედეგად დაღუპულთა რიცხვი 1 600-მდე გაიზარდა, ხოლო დაშავებულთა რიცხვმა 3 400-ს მიაღწია.

აშშ-ს გეოლოგიური სამსახურის პროგნოზირებული მოდელირების მიხედვით, მსხვერპლთა რაოდენობამ შეიძლება 10 000-ს გადააჭარბოს.

"ყველა სამხედრო და სამოქალაქო საავადმყოფომ, ასევე ჯანდაცვის სფეროს წარმომადგენლებმა, კოორდინირებულად და ეფექტიანად უნდა იმუშაონ, რათა უზრუნველყონ ეფექტური სამედიცინო რეაგირება". - თქვა მიანმარის სამხედრო მთავრობის ლიდერმა, მინ აუნ ჰლაინგმა.

ტაილანდის ხელისუფლების ინფორმაციით, მიწისძვრის შედეგად ცათამბჯენის ჩამონგრევის შედეგად  17 ადამიანი დაიღუპა, ხოლო სულ მცირე 78 კვლავ ნანგრევებში რჩება.

აშშ-ს გეოლოგიური სამსახურის (USGS) ინფორმაციით, მიანმარში მომხდარი მიწისძვრის სიმძლავრე 7.7 მაგნიტუდას შეადგენდა და მისი სიღრმე 10 კილომეტრი იყო. 

USGS-ს ინფორმაციით, მიწისძვრის ეპიცენტრი ქალაქ მანდალაიდან დაახლოებით 17.2 კილომეტრში მდებარეობდა, რომლის მოსახლეობა დაახლოებით 1.2 მილიონია. ძლიერი ბიძგი იგრძნობოდა იანგონსა და ბანკოკშიც.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა