საპარლამენტო უმრავლესობა მიხეილ სააკაშვილის უკრაინის პრეზიდენტის მრჩეველთა საბჭოს ხელმძღვანელად  დანიშვნას უარყოფითად აფასებს.

როგორც საპარლამენტო უმრავლესობის წევრმა ზვიად კვაჭანტირაძემ აღნიშნა, წარმოუდგენელია, პეტრო პოროშენკოს მიერ მიხეილ სააკაშვილის მრჩევლად დანიშვნას, მეგობარი ქვეყნის ხელისუფლების მიმართ პატივისცემა დაერქვას.

„არსეობს დიპლომატიური ინსტრუმენტები, რომელიც უნდა გამოვიყენოთ არა მარტო თბილისში, არამედ კიევშიც. ჩვენი ელჩი უკრაინაში უახლოეს დღეებში ამ მიმართულეიით აქტიურად იმოქმედებს. რაც შეეხება სააკაშვილის დანიშვნას  წარმოუდგენელია, რომ ასეთ ნაბიჯს დავარქვათ მეგობარი ქვეყნის ხელისუფლების მიმართ პატივისცემა“,-განაცხადა ზვიად კვაჭანტირაძემ.

აღნიშნულ ფაქტზე კომენტარი საპარლამენტო უმრავლესობის წევრმა გია ვოლსკიმაც გააკეთა.
გია ვოლსკი მიიჩნევს, რომ ის პოზიცია, რომელიც ბატონმა პოროშენკომ სააკაშვილს გადასცა, უსიამოვნო შეგრძნებას ტოვებს.  

„პრაგმატული მოსაზრებები, პრაგმატული სტრატეგია აბსოლიტურად არ ითვალისწინებს ურთიერთობების გაფუჭებას, თუმცა თუნდაც არა ფორმალური ასეთი პოზიცია, რომელიც  პოროშენკომ სააკაშვილს გადასცა,  რა საკვირველია უსიამოვნო შეგრძნებას ტოვებს“,-განაცხადა გია ვოლსკიმ.  

შეგახსენებთ, რომ უკრაინის პრეზიდენტმა პეტრო პოროშენკომ საქართველოს ექს-პრეზიდენტი მიხეილ სააკაშვილი პრეზიდენტის მრჩეველთა საბჭოს ხელმძღვანელად დანიშნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი კობახიძე აშშ-ს სახელმწიფო დეპარტამენტის წარმომადგენლებს შეხვდა

ორ თვეში საქართველოს სანაპიროზე დაახლოებით 40 დელფინი გამოირიყა

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს