2024-11-04 19:20:34, 418 ნახვა

---

საია - თეთრიწყაროს სასამართლოს სხდომაზე დადგინდა, რომ ბიულეტენების აპარატში მოთავსებისას, უკანა მხარეს გაკეთებული არჩევანი ხილვადია

„საქართველოს ახალგაზრდა იურისტთა ასოციაციის“ (საია) ცნობით, თეთრიწყაროს სასამართლოს სხდომაზე დადგინდა, რომ ბიულეტენების აპარატში მოთავსებისას, უკანა მხარეს გაკეთებული არჩევანი ხილვადია.

როგორც საიას მიერ სოციალურ ქსელში გავრცელებულ ინფორმაციაშია ნათქვამი, პროცესზე ტექნიკური შემოწმება ჩატარდა.

„თეთრიწყაროს სასამართლოში მიმდინარეობს საიას სარჩელის განხილვა ხმის ფარულობის საკითხზე. 

მიმდინარე პროცესის ფარგლებში, მოსამართლემ საიას შუამდგომლობის საფუძველზე, გამოითხოვა შემთხვევითი შერჩევით წალკისა და თეთრიწყაროს ოლქში შემავალი 3-3 უბნის ბიულეტენები, სადაც დადასტურდა, რომ ბიულეტენების უკანა მხარეს მარკერის კვალია.

მოსამართლემ ასევე მოითხოვა ხმის მთვლელი აპარატი, ბიულეტენი, მარკერი და ჩარჩო კონვერტი.

სასამართლო სხდომაზე ჩატარდა ტექნიკური შემოწმება, რომლის დროსაც დადგინდა, რომ ბიულეტენების აპარატში მოთავსებისას, უკანა მხარეს გაკეთებული არჩევანი ხილვადია“,- აღნიშნულია ორგანიზაციის ინფორმაციაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი