უკრაინის პრეზიდენტმა, ვოლოდიმირ ზელენსკიმ "გამარჯვების გეგმის" დეტალები უკრაინელ დეპუტატებს გააცნო. ამის შესახებ ინფორმაციას რადას დეპუტატი ალექსეი გონჩარენკო Telegram-ზე ავრცელებს.

მისი განცხადებით, უკრაინის "გამარჯვების გეგმა" 5 პუნქტისგან შედგება.

"გეგმის პირველი პუნქტი ითვალისწინებს უკრაინის დაუყოვნებლივ მიწვევას ნატოში, რისთვისაც პარტნიორების გადაწყვეტილებაა საჭირო.

მეორე პუნქტში საუბარია ომის რუსეთის ტერიტორიაზე გადატანაზე, რათა შეიცვალოს რუსეთის მოქალაქეთა განწყობა, ასევე მოკავშირეების ჩართვაზე უკრაინის საჰაერო სივრცეში რუსული რაკეტებისა და დრონების ჩამოგდებაში და უკრაინის მიერ დასავლური შორ მანძილზე მოქმედი იარაღის გამოყენებაზე დაწესებული შეზღუდვების მოხსნაზე.

მესამე პუნქტი გულისხმობს უკრაინაში "კომპლექსური არაბირთვული სტრატეგიული შეკავების პაკეტის" განთავსებას, რაც საკმარისი იქნება ქვეყნის მომავალში დასაცავად. ამ პუნქტს აქვს საიდუმლო დანართი, რომელიც დასავლელ პარტნიორებს გადაეცათ. ამ პუნქტში საუბარია ასევე დასავლეთის მიერ უკრაინაში იარაღის წარმოების დაფინანსებაზე.

მეოთხე პუნქტი ითვალისწინებს უკრაინის შეთანხმებას მოკავშირეებთან, ევროკავშირსა და ამერიკის შეერთებულ შტატებთან უკრაინაში მრავალი ქვეყნისთვის საინტერესო ძვირფასი რესურსების, კერძოდ, ურანის, ტიტანისა და ლითიუმის მოპოვებაში ინვესტიციების დაბანდების შესახებ, რაც ყველა მხარისთვის სასარგებლო იქნება.

გეგმის მეხუთე პუნქტი გათვლილია ომის შემდგომ პერიოდზე და ითვალისწინებს უკრაინელი სამხედროების გამოცდილების გამოყენებას ნატოსა და მთელი ევროპის უსაფრთხოების გასაძლიერებლად",- წერს გონჩარენკო.

ცნობისთვის, 17-18 ოქტომბერს, უკრაინის პრეზიდენტი ვოლოდიმირ ზელენსკი უკრაინის "გამარჯვების გეგმას" ევროპულ საბჭოს წარუდგენს.

ავტორი: ექსპრესნიუსი,

სოციალური ქსელები

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის

უკრაინის საგარეო საქმეთა მინისტრმა ეუთოს საგანგებო შეხვედრაზე საქართველოს მხარდაჭერისთვის მადლობა გადაუხადა.