საქართველოს პარლამენტში ანგარიშის წარდგენისას თავდაცვის მინისტრმა, ჯუანშერ ბურჭულაძემ ჯარის პოპულარიზაციისა და პატრიოტული სულისკვეთების ამაღლების მიმართულებით გადადგმულ ნაბიჯებზე ისაუბრა და აღნიშნა, რომ თავდაცვის უწყების ინიციატივით არაერთი პროექტი მიმდინარეობს, სადაც ახალგაზრდები აქტიურად მონაწილეობენ.

„წელს განათლების სამინისტროსთან თანამშრომლობით დავიწყეთ პროექტი „ჯარის ბანაკი“, რომელიც დაახლოებით 800-მა სკოლის მოსწავლემ გაიარა. ძალიან მაღალი იყო დაინტერესება და მასში მონაწილეობის სურვილი. მომავალ წელს ამ პროექტს კიდევ უფრო გავაფართოებთ,“ - განაცხადა თავდაცვის მინისტრმა.

ჯუანშერ ბურჭულაძემ „ჩვენი ჯარის“ პროექტზეც ისაუბრა, რომლის ფარგლებშიც სამხედროები ყოველწლიურად სტუმრობენ ასობით სკოლას და მოსწავლეებს სამხედრო თემატიკასთან დაკავშირებულ საკითხებს აცნობენ.

„დეკადების განმავლობაში ანალოგიური პროექტი არ არსებობდა, ძალიან მნიშვნელოვანია, ერთის მხრივ ჯარის პოპულარიზაციის კუთხით, მეორეს მხრივ პატრიოტული სულისკვეთების ამაღლებისთვის“,- დასძინა ბურჭულაძემ.

ავტორი: NS (სტატია დაფინანსებულია),

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს