ქედის მუნიციპალიტეტის სოფელ მერისში, 2008 წლის რუსეთ-საქართველოს ომში დაღუპულ გმირს, ფრიდონ თურმანიძეს მიაგეს პატივი.

ქედის მერიის ცნობით, გმირის საფლავი საქართველოს დროშით, გვირგვინითა და ყვავილებით მუნიციპალიტეტის მერმა როლანდ ბერიძემ, საკრებულოს თავმჯდომერემ ამირან ცინცაძემ, მოადგილეებმა, აჭარის საავტომობილო გზების დეპარტამენტის უფროსმა მამუკა თურმანიძემ, ძალოვანი სტრუქტურის ხელმძღვანელებმა, თვითმმართველობის მოხელეებმა, მეგობრებმა და საზოგადოების წევრებმა შეამკეს.

ღონისძიებას საგალობლებით ქედის კულტურის ცენტრთან არსებული ვაჟთა ფოლკლორული ანსამბლი "ელესა" აფორმებდა.

"გმირი ფრიდონ თურმანიძე დაჯილდოებულია ვახტანგ გორგასლის II ხარისხის ორდენით.

უმცროსი სერჟანტი ფრიდონ თურმანიძე, სოფელ ყელქცეულში, სამშვიდობოს გამოსული მეგობრის დასახმარებლად შებრუნდა, რა დროსაც რუსულ ჭურვებს შეეწირა. საქართველოს თავისუფლებისთვის მებრძოლი გმირი 28 წლის ასაკში დაიღუპა. დატოვა 2 მცირეწლოვანი შვილი, მეუღლე და მშობლები",- ნათქვამია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

მარკო რუბიო - ჩვენ ვდგავართ ქართველი ხალხის გვერდით მდგრადი უსაფრთხოების, თავისუფლებისა და დამოუკიდებლობისკენ მათ სწრაფვაში

ხორვატია, ბულგარეთი და სერბეთი საქართველოს დამოუკიდებლობის დღეს ულოცავენ

ჩინეთის პრემიერი ლი ციანი - ჩინეთ-საქართველოს სტრატეგიული პარტნიორობა კარგად ვითარდება

ერდოღანი - ვულოცავთ ქართველ ხალხს, მეზობელი და მეგობარი საქართველოს დამოუკიდებლობის დღეს