თბილისის საქალაქო სასამართლომ ვაკის პარკში მომხდარი ტრაგედიის საქმეზე დაკავებული 9 პირიდან ერთი - ვალერი გობეჯიშვილი გაამართლა, ხოლო რვას პატიმრობა შეუფარდა.

მოსამართლე ლაშა კლდიაშვილმა გადაწყვეტილება ცოტა ხნის წინ გამოაცხადა.

კლდიაშვილის გადაწყვეტილებით, "გრინსერვისი+“-ის დირექტორს, ლაშა ფურცხვანიძეს 6 წლით თავისუფლების აღკვეთა შეეფარდა.

მერიის გარემოს დაცვის საქალაქო სამსახურის უფროსის მოადგილეს, გიორგი ვახტანგიშვილს, დევი კახოიძეს, ლაშა ჭიღიტაშვილს, ბექა მურღვლიანს 3-3-წლიანი პატიმრობა მიესაჯათ.

ნუგზარ ქიტიაშვილსა და დავით თუშიშვილს 3.6-ით, ხოლო გიორგი გობეჯიშვილს 4- წლით თავისუფლების აღკვეთა შეეფარდათ.

ცნობისთვის, შინაგან საქმეთა სამინისტრომ ვაკის პარკში მომხდარი ტრაგედიის საქმეზე  9 პირი 18 ოტქომბერს დააკავა. 

გენერალურმა პროკურატურამ დაკავებულებს ბრალი ოფიციალურად 19 ოქტომბერს წარუდგინა და საქმესთან დაკავშირებული ვიდეომტკიცებულებაც გამოაქვეყნა.

13 ოქტომბერს, ვაკის პარკის ახლადგახსნილ შადრევანში 3 მოსწავლეს  დენმა დაარტყა. მათგან 13 წლის მარიტა მეფარიშვილი გარდაიცვალა, ორი მოზარდი კი დაშავდა.

ავტორი: ექსპრესნიუსი,

სოციალური ქსელები

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის