ნატოს შტაბ-ბინაში საქართველოს და პოლონეთის თავდაცვის მინისტრებს შორის ორმხრივი შეხვედრა გაიმართა.

თავდაცვის სამინისტროს ინფორმაციით, საუბრის დასაწყისში მინდია ჯანელიძემ პლონელ კოლეგას ტომაშ სიემონიაკს საქართველოს ტერიტორიული მთლიანობისა და სუვერენიტეტის და საქართველოს ევროატლანტიკურ სტრუქტურებში ინტეგრაციის მტკიცე მხარდაჭერისთვის მადლობა გადაუხადა.

საქართველოს თავდაცვის მინისტრმა განსაკუთრებით აღნიშნა პოლონელი დამკვირვებლების მონაწილეობა ევროკავშირის მონიტორინგის მისიაში.

ამასთან, მხარეებმა ნატო-საქართველოს არსებითი პაკეტის იმპლემენტაციის პროცესზე ისაუბრეს. ტომაშ სიემონიაკმა პაკეტის განხორციელების პროცესში აქტიური ჩართულობის მზადყოფნა გამოხატა. საუბარი ასევე შეეხო რეგიონში არსებულ ვითარებას და საქართველოს მნიშვნელოვან წვლილს საერთაშორისო უსაფრთხოების უზრუნველყოფის საქმეში.

მინისტრებმა საქართველოსა და პოლონეთის თავდაცვის უწყებებს შორის თანამშრომლობის გაღრმავებასა და სამომავლო პერსპექტივებზეც იმსჯელეს.

მინდია ჯანელიძემ პოლონელი კოლეგა საქართველოში ოფიციალური ვიზიტით მოიწვია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე