ვფიქრობ, ხელისუფლება არ არის მთლად ადეკვატური იმ ვითარებისა, რაც ქვეყანაში სუფევს,-ამის შესახებ გარდაცვლილი ექს-პრემიერის  ძმამ გოგლა ჟვანიამ ჟურნალისტებს განუცხადა.
მისივე განმარტებით, დღევანდელ ხელისუფლებას სერიოზული პოლიტიკური გადაწყყვეტილებები აქვს მისაღები.
"დღეს ხელისუფლებას წარმოვადგენ და რასაც ვიტყვი, ეს, პირველ რიგში, მე მეკუთვნის. ვფიქრობ, ჩვენი ხელისუფლება, არც აღმასრულებელი და არც საპარლამენტო, არ არის მთლად ადეკვატური იმ ვითარებისადმი, რაც ქვეყანაში სუფევს და რაც დაგვხვდა. ვიქცევით ისე, თითქოს, საქართველოში დემოკრატიული, შვეიცარიის მაგვარი არჩევნები ჩატარდა, მოვედით დემოკრატიული გზით დალაგებულ ქვეყანაში და ოპონენტებად ცოტა განსხვავებული პოლიტიკური შეხედულების ადამიანები გვყავს. თუმცა, რეალობა ყველას კარგად გვახსოვს. ეს იყო მთელი საზოგადოების მრავალწლიანი ბრძოლა სააკაშვილის ბანდის, მისი ორგანიზებული დანაშაულებრივი ჯგუფის წინაღმდეგ.როცა ქვეყანაში სამართლიანობის აღდგენაზე ვსაუბრობთ,  არ შეიძლება ეს იყოს ცარიელი სიტყვები.  სააკაშვილის ორგანიზებული დანაშაულებრივი ჯგუფი ისევ აქ რჩება, არსად გამქრალა. შეიძლება ისინი პირველი პირები აღარ არიან, თუმცა  ყველა სახელმწიფო  დაწესებულებებში  თავისი საცეცები აქვთ. სერიოზული პოლიტიკური გადაწყვეტილებები გვაქვს მისაღები",-განაცხადა გოგლა ჟვანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი