2021-10-14 10:56:42, 3300 ნახვა

---

მეუფე იოანე სააკაშვილზე - როცა არ აღიარებს დანაშაულს, არც ნანობს და კიდევ აქეთ ხულიგნობს, შერიგება არ ხდება

როდესაც დამნაშავე არ აღიარებს დანაშაულს, არც ნანობს და კიდევ აქეთ ხულიგნობს, შერიგება არ ხდება, - ამის შესახებ ქუთაის-გაენათის ეპარქიის მიტროპოლიტმა, მეუფე იოანემ საქართველოს ექს-პრეზიდენტთან, მიხეილ სააკაშვილთან დაკავშირებით დასმული კითხვის საპასუხოდ განაცხადა.

ჟურნალისტის შეკითხვაზე, თუ რატომ აწერენ სასულიერო პირები მიხეილ სააკაშვილის გათავისუფლების მოთხოვნით შექმნილ პეტიციას, მან აღნიშნა, რომ ეს მათი სუბიექტური პოზიციაა.

„რა მოტივი აქვთ? რატომ აწერენ ამას ხელს? - ეს მათი საქმეა, თვითონ ეს სუბიექტური პოზიციაა. ქვეყნის ინტერესებიდან გამომდინარე, შეიძლება კანონი იყოს დაცული, თუ ქვეყანაში სამართლი არ არსებობს, მაშინ ქვეყანა აღარ არის. როდესაც დამნაშავე არ აღიარებს თავის დანაშაულს, არც ნანობს და კიდევ აქეთ ხულიგნობს, შერიგება არ ხდება. თქვენ მე მაკვირვებთ ძალიან, ყველაფერს იღებთ, ინტერვიუს და ისეთ კითხვას მისვამთ, თითქოს არაფერი არ იცით, მთვარიდან ჩამოვარდით და მეკითხებით?!“, - განცახადა მეუფე იოანემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი