იუსტიციის უმაღლესმა საბჭომ მიიღო გადაწყვეტილება, რომლის საფუძველზეც თბილისის სააპელაციო სასამართლოში 7 მოსამართლე კონკურსის წესით არ დაინიშნება. 
როგორც იუსტიციის საბჭოს თავმჯდომარე ნინო გვენეტაძემ ჟურნალისტებს განუცხადა, გადაწყვეტილების თანახმად, საერთო სასამართლოების შესახებ ორგანული კანონის 37-ე მუხლით მოხდება სააპელაციო სასამართლოში პირველი ინსტანციიდან მოსამართლეების დაწინაურება.
 გვენეტაძის შეფასებით, დღეს იუსტიციის საბჭომ კანონი დაარღვია. „იუსტიციის საბჭოს წევრთა უმრავლესობის მიერ მიღებულ იქნა გადაწყვეტილება, დღეისთვის არსებულ 7 ვაკანტურ თანამდებობაზე მოსამართლეები კონკურსის წესით არ დაინიშნონ, არამედ 37-ე მუხლით მოხდეს სააპელაციო სასამართლოში პირველი ინსტანციიდან მოსამართლეების დაწინაურება. ეს გადაწყვეტილება იუსტიციის საბჭომ მიიღო. ამ გადაწყვეტილების მიმართ ჩემი დამოკიდებულება გამოვხატე, მე კენჭისყრაში მონაწილეობა არ მიმიღია, რაც იმას ნიშნავს, რომ არ ვემხრობი ამ პოზიციას. იუსტიციის საბჭოს გადაწყვეტილებით, დაირღვა კანონი და პრიორიტეტეტბი არასწორად იქნა დალაგებული, რაც გულისხმობდა პირველ პრიორიტეტს-კონკურსის წესით ვაკანტური ადგილების დაკავებასა და საგამონაკლისო წესის შემდგომი წესის გამოყენებას, რაც გულისხმობს 37-ე მუხლით მოსამართლის გადანიშვნას, დაწინაურებას. იუსტიციის საბჭოს მიერ მიღებულ გადაწყვეტილებაზე შეფასებას ვერ გავაკეთებ. ისტიციის საბჭო კოლეგიალური ორგანოა. მიიღო გადაწყვეტილება და ამ გადაწყვეტილების შესრულებაზე უნდა ვიზრუნო“,-აღნიშნა ნინო გვენეტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია